Anarâškielâ servi uárnee taan ohhoost puohháid ávus suámsurtori ovddii kielâpiervâltáálust Anarist čujottâsâst Siulatie 14. Vuosmuuh vyebdimpeeivih láá majebaargâ 23.9. já koskoho 24.9. tijme 16:30–19. Čuávu Anarâš aavis já Orroomviste Facebookist máhđulij eres suámsurtoripeeivij várás.
Anarâškielâ servi vuábdá suámsurtorist puohlágánijd päikkituálun já párnáitipšomân hiäivulijd anopiergâsijd sehe vistekáálvuid já puđâldemtiiŋgâid.
Tun puávtáh meid adoptistiđ olssâd hitruus timmâsierâ, adeliđ toos noomâ já faallâđ toos uđđâ pääihi. Puávtáh jo-uv mäksiđ tast váhá teikâ väldiđ tom fáárun.
Suámsurtorist vyebdimnáál leijee tävireh láá pááccám Anarâškielâ siärván ton ohtâvuođâst ko kielâpiervâleh láá varrim uđđâ toimâtiilijd. Varrim ohtâvuođâst Aanaar kieldâ lii uástám uđđâ tiiŋgâid uđđâ toimâtiilijd.
Puáđi keččâđ, kavnâččih-uv tun olssâd aarnijd já puáđi sárnuđ sämikielâ! Mäksiđ puáhtá jo-uv korttáin teikâ seervi tilin.
Tiervâpuáttim!
Koveh: Valtteri Valkeapolku