Anarâškielâ servi já Wikimedia Suomâ uárnejeh Wikipedia-páájá Helsigist juovlâmáánu 13.–14. peeivi tijme 10–16. Anarâškielân páájá stivriv Anarâškielâ seervi mediapargee Valtteri Valkeapolku já anarâškielâ ollâopâttâhlehtor Marja-Liisa Olthuis.
Páájá tuálloo Maria01-kampus 3‑rakânâs kuálmád keerdist čujottâsâst Lapinlahdenkatu 16, 00180 Helsig. Jis kiinii puátá mut ij peesâ siisâ, te sun puáhtá väldiđ ohtâvuođâ stivrejeijeid. Pááján puáhtá uásálistiđ meid káidusin. Tast ferttee kuittâg almottiđ (valtteri.valkeapolku@tutanota.com) muuneeld.
Páájá juurdân lii čäälliđ artikkâlijd Wikipedian. Čälleeh uážžuh čäällimsis kielâlii já teknisii torjuu. Kii peri uážžu puáttiđ fáárun, já Anarâškielâ servi tuáivu-uv ain, ete uđđâ ulmuuh uásálistáččii Wikipedia-tooimân.
Anarâškielâlâš Wikipedia šoodâi virgálávt roovvâdmáánu 19. peeivi 2020. Taan ive aalgâst tobbeen lijjii váhá paijeel 6 000 artikkâlid. Tääl artikkâleh láá 6 495.
Kove: Valtteri Valkeapolku