Sämitigge uárnee kyehti Teams-tilálâšvuođâ, main tot addel kejâstuv sämmilij tuotâvuotâ- já sovâdâttâmkomissio proosees ovdánmist já puáttee muddoin. Ton lasseen tilálâšvuođâin lii ulmen kuullâđ seervij uáinuid puáttee mudoi várás. Sämitigge tuáivu savâstâllâm tast, magarijd aašijd já uáinuid kolgâččij pajediđ uáinusân ráđádâlmijn.
Tilálâšvuođáid láá puávdejum sämiseervij jesâneh. Ton lasseen fáárust láá tagareh Sämitige eromâšäššitobdeeh já Sämitige haldâttâs ovdâsteijeeh, kiäh pargeh komissio iävtuttâsâiguin.
Vuossâmuš tilálâšvuotâ uárnejuvvoo koskoho 18.11. tme 14–15.30.
Nubbe tilálâšvuotâ uárnejuvvoo majebaargâ 1.12. tme 13.30–14.30.
Tilálâšvuođâi siskáldâsah láá siämmáásullâsiih. Toh päddejuvvojeh Sämitige siskáldâs kevttim várás. Tilálâšvuođâin ij lah tulkkum.
Jis tun halijdah uásálistiđ iäge tust lah čuákkim liŋkkâ já tubdâldâh, te tun puávtáh pivdeđ taid Anarâškielâ seervi čällest (callee@anaraskielaservi.fi).
Lasetiäđuid tilálâšvuođâin addel Sämitige saavâjođetteijee Pirita Näkkäläjärvi.
Kove: Vesa Toppari / Sämitigge