Taažâst lii tábáhtum junápärtti, mast junávyeijee lii jáámmám. Neeljis láá tolvum pyecceiviäsun. Ohtâ sist lii karttâm vuosâišán. Poolis ij vyerdi, et lase ulmuuh jámáččii taan päärti keežild. Pärtti sattui tuorâstuv ehidispeeivi.
Parttâšum juná lâi Arctic Circle Express -juná, mii lâi jotemin Ruándimist Bodøn. Juná vierâi motomijd meetterijd vuálos. Luhottesvuotâ tábáhtui Bjerka já Mo i Rana kooskâst Nordland läänist.
Juná vierâi kiskoin källeepitá keežild, mii juurâi vuálos kiskoi oolâ, almoot Taažâ media. Taažâ TV muštâl, et junást lijjii 46 mađhâšeijed.
Luodah parttâšum juná pirrâsijn láá kiddejum luhottesvuođâ tutkâm já raaijâmpargoi tiet. Meiddei moottorkiäinu E6 lii kiddâ.
Källeepittá vierâi kiskoi oolâ eennâmsirdum keežild, mii máhđulávt lii tábáhtum korrâ arve keežild tien kuávlust, almoot Taažâ media NRK.
Käldee:
– Togavsporing i Nordland: Lokfører funnet død (www.nrk.no)
Kove: Kabelleger / David Gubler (Wikimedia Commons)