Uŋgar lii ratifisistám Ruotâ NATO-jeessânvuođâ

Uŋgar parlament lii ratifisistám Ruotâ NATO-jeessânvuođâ taan oho vuossaargâ. Ratifisistmist jienâstui, já NATO-jeessânvuotâ visásmittui jienâigijn 188 peeleest já 6 vuástá. Uŋgar paasij majemužžân ratifisistee enâmin ton maŋa, ko Ruotâ já Tuurki koskâsiih NATO-čuolmah čuávdojii uđđivemáánust.

Ruotâ uusâi NATO-jeessânvuođâ oovtâst Suomáin vyesimáánust 2022. Suomâ lii lamaš NATO tievâjeessân jo love mánuppaijeed. Meiddei Suomâ jeessânvuođâ majemuuh ratifisisteeh láin Turkki já Uŋgar.

Uŋgar parlament jienâstem maŋa ratifisistemäššikirje kalga vyerkkejuđ fyysisávt Ovtâstum staatâi olgoministeriön, mon maŋa uáivičällee Jens Stoltenberg puáhtá koččođ Ruotâ servâđ NATO jesânin. Lii máhđulâš uáiniđ Ruotâ liipu NATO váldusaje oovdâst Brysselist jo kuovâmáánu loopâst teikâ njuhčâmáánu aalgâst.

Ruotâ uáiviminister Ulf Kristersson muštâl, et Ruotâ lii finnim tiervuođâid já luhotuáivuttâsâid Suomâ president Sauli Niinistöst. Kristersson mield Suomâ lii ubâ ääigi čáittám, et Suomâ já Ruotâ lává monâmin NATOn oovtfááru. President Niinistö vist lii tiäduttâm tom, et Suomâ NATO-jeessânvuotâ ij lah tievâslâš Ruotâttáá.

Vuosmui tiäđui mield NATO-jeessânvuođâ vuástáväldim Ruotâst lii lamaš várugâs. Uáiviminister Kristersson lii ettâm, et puoh pápáreh iä lah vala lopâlii oornigist. Meiddei Ukraina suáti vaaigut suu mielâst toos, et lii väädis juhlođ jeessânvuođâ. Jeessânvuođâst kiäččoo kuittâg, et tot lii historjálâš, iäge tave-enâmeh lah lamaš 500 ihán jieijâs kuávlu piäluštmist siämmáánáál ohtsâš juávkkun ko tääl.

Käldeeh:

– Unkari hyväksyi Ruotsin Nato-jäsenyyden – Kristersson iloitsee (www.is.fi)

– Näin presidentti Sauli Niinistö kommentoi Ruotsin tuoreita Nato-uutisia (www.is.fi)

– Minkälaisen jäsenen Nato saa Ruotsista? (areena.yle.fi)

Kove: Dimitris Vetsikas (Pixabay)

Kommenteh

Čääli komment

Kirjoita kommenttisi!
Kirjoita nimesi tähän

Luuvâ meid

Uđđâsumos uđđâseh

Etna lii oppeet rusomin – kirdemjotolâh Catania kirdemkiedist koskâlduttum

Nuorttâ-Sisilia tevdui koovjâin majebaargâ, tastko Euroop stuárráámus aktiivlâš tullâvääri Etna rusoi suullân käävci kilomeetterid ollâ kovjâpoolvâ Sisilia oolâ. Kovjâ laavdâi pirrâ Etna kuávlu, meiddei...

NASA vuolgâttij ráp-muusik Venusân, mätki piištij suullân 14 minuttid

Ovtâstum staatâi komovuotâhaldâttâh NASA vuolgâttij ovtâstumstaatâlii ráp-artist Missy Elliott pitá komovuotân. NASA tiäđáttâs mield radioanteneh Kaliforniast vuolgâttii Elliott pitá "The Rain (Supa Dupa Fly)"...

Ovtâstum staatâi tááláš president Joe Biden kiäsádât presidentkištoost

Ovtâstum staatâi 46. president Biden almottij miärádâsâstis aalmugân syeinimáánu 21. peeivi viestâpalvâlus X:st: "Tii presidentin toimâm lii lamaš muu eellim stuárráámus kunnee." Biden čaalij...

Piäluštâsvuoimij hárjuttâs tiävdá Aanaar meecijd suáldáttijguin syeinimáánu 22.–26. peeivi

Suomâ piäluštâsvyeimih uárnejeh jáágárpriikaat kiärgusvuotâohtâduv RYSKE-hárjuttâs Kaamâs já Njiävđám meecijn. Hárjuttâs álgá vuossaargâ, syeinimáánu 22. peeivi, já tot nohá vástuppeeivi, syeinimáánu 26. peeivi. Hárjuttâsân uásálisteh...

Eellim jorgálduvah Ukraina suáđi ovdâlinjáást – suomâruátálâš Ralf Sirén muštâl jieijâs fiäránijn rijjâtátulâš taištâleijen

Ralf Sirén lii pajeláhháá 30-ihásâš ovdedemhovdâ, kote parga uđâsmuvvee energia stuorrâirâttâsâst. Suu eellim lii lamaš eromâš, tastko sun lii soottâm rijjâtátulâžžân Ukraina suáđi ovdâlinjáást...