Puáttee oholoopâ Oulust uárnejuvvoo Tave-Euroop wikiteivâdem já suomâ-ugrilii wikiseminaar ohtsâš tábáhtume. Siämmást juhloo meid Wikipedia 25‑ivváášjuhle.
Tave-Euroop wikiteivâdmist 2026 Tave-enâmij, Baltia já eres Tave-Euroop Wikimedia-siärvusij ovdâsteijeeh já Wikimedia-rijjâtátuliih čokkâneh jyehiđ vuáttámušâid, nanodiđ raajijd rastaldittee ohtsâšpargo já tuárjuđ ucebij kielâi Wikimedia-haavâid.
Suomâ-ugrilâš wikiseminaar puáhtá oohtân suomâ-ugrilij kielâi Wikipediai ulmuid. Ulmen lii tuárjuđ nuubijd ohtsâšpargoin, tego tiäđu jyehimáin.
Tábáhtus ohjelm lii rijjâhámásâš. Toos kuleh eereeb iärrás savâstâlmeh, pargopáájáh já purâdem. Tábáhtus lii nuuvtá já áávus puohháid, kiäh láá kiddiistum tave-eurooplii já suomâ-ugrilii Wikimedia- já Wikipedia-pargoost.
Uásálisteeh puátih aainâs Suomâst, Ruotâst, Taažâst, Tanskaast, Eestienâmist já Latviast. Pääihi alne láá meid ovdâsteijeeh Anarâškielâ seervist já Anarâškielâlij wikimedistij kevtteejuávhust (Inari Saami Wikimedians User Group).
Saje: Tuirakas-siärvustile, Valtatie 47, Oulu.
Äigi: kesimáánust lávurduv 6. peeivi já pasepeeivi 7. peeivi tijme 9–18.
Lasetiäđuh: info@wikimedia.fi; +358 44 022 4007.
Kove: Märt Põder (Wikimedia Commons)