Purrâmuš ij innig tivro siämmáá jotelávt ko tijmá. Statistiikkuávdáá tiäđui mield purrâmušverkki lâi uđđâivemáánust tuše 1,4 prooseent tivrâsub ko moonnâm ive. Juovlâmáánust uđđâivemáánun purrâmuš tivroi 0,3 prooseent. Vala kuovâmáánust 2023 purrâmušverkki lâi 17,3 prosentid tivrâsub ko kuovâmáánust 2022. Ive 2023 purrâmuš tivroi uđđâive- já kuovâmáánu kooskâst 2,6 prooseent.
Purrâmuš ij kuittâg valagin lah hälbi. Purrâmušverkki lâi eromâš tiivrâs njuhčâmáánust 2023. Ton rääjist tot lii kuittâg hálbum suullân kyehti prooseent. Majemui love ive ääigi purrâmuš lii tivrom paijeel 20 prosentid.
Veikkâ purrâmuš ij tivro innig siämmáá jotelávt, te liijká ovtâskâs tävirij hadeh láá sáttám pajaniđ ive ääigi ennuv-uv. Ovdâmerkkân ooliivoljo lâi uđđâivemáánust suullân 44 prosentid tivrâsub ko tijmá. Meiddei heeđâlmsääpih láá tivrom ennuv. Liijká jieškote-uvlágáneh ruonâseh, salateh já kähvi láá hálbum enâmustáá, ko toi hoodijd verdid moonnâm uđđâivemáánu hoddijd.
Kähvi tivroi juovlâmáánust uđđâivemáánun paijeel 17 prosentid. Hade paijaanmist huolâhánnáá kähvi lâi liijká taan ive uđđâivemáánust häälbib ko tot lii lamaš majemui aaigij. Kähvi lâi puoh tivrâsumos syeinimáánust 2022. Taan rääjist hadde lâi vuálánâm uđđâivemáánust 2024 paijeel 14 prosentid. Ihe tassaaš-uv kähvi lâi masa 10 prosentid tivrâsub ko tot lii lamaš taan uđđâivemáánust.
Käldee:
– Ruoan inflaatio hellittää – kahvin hintaan kuitenkin raju pomppu (www.hs.fi)
Kove: Rene Cortin (Wikimedia Commons)