Emil Kárlsen já DJ Hullu­ella lávdás­tává Oulust puáttee vástup­peeivi

Sämmiliih artisteh Emil Kárlsen já DJ Hulluella ađai Eleonora Alariesto puáttiv Oulun roovvâdmáánu oovcád peeivi. Suoi lávdástává vuáruluvâi Oulu2026-klubist Tarkastamo-nommâsii saajeest tijme 20 rääjist. Tábáhtus lii uási Oulu kulttuur­uáivi­kaavpug­ive ohjelmist.

Tábáhtus lii uáivildum paijeel 18‑ihásáid, já toos kalga uástiđ liipu.

Emil Kárlsen lii meddâl Taažâ Omasvuotnast. Musikkár lasseen Kárlsen lii meiddei čaittâleijee, já Oulust suu puovtij uáinid meid kulttuur­uáivi­kaavpug­ive aalgâst Ovllá-ooppera njunošroolâst. DJ Hulluella vist lii ruávinjargâlâš DJ já taaidâr, kote lii lávdástâm sehe Suomâst já olgoenâmijn.

Tarkastamo lii uđđâ tábáhtussaje Oulu kävppitori paaldâst. Tot lekkâsij kesimáánu 26. peeivi.

Käldee:
– Oulu2026-klubi: Emil Kárlsen & DJ Hulluella (tapahtumat.munoulu.fi)

_{Kove: Valtteri Valkeapolku}