Laapist sättih šoddâđ stuorrâ tulveh taan kiiđâ. Suomâ pirâskuávdáá mield muotâ lii jo tääl eenâb ko koskâmiärálávt, já loppâtäälvi ääigi sáttá myettiđ vala lase. Ovdâmerkkân Ounasjuuvâ, Avveeljuuvâ já Muoniojuuvâ kuávluin muottuu čäciárvu lii 35–50 mm stuárráb ko koskâmiärálávt taan ääigi ivveest.
Pirâskuávdáš kuittâg muštoot, ete tulve stuárudâh lii ain kiddâ suddâmääigi oorvijn já liegâsvuođâst.
Tave-Pohjanmaast já Kainuust muotâ lii uáli uccáá, mut jis muotâ suddá jotelávt já vala arva siämmáá ääigi, te čácáduvah sättih tulvâđ tobbeen-uv. Suomâ maadâ- já koskâoosijn illá šaddeh stuorrâ kiđđâtulveh uccâ muotâmere tiet.
Pirâskuávdáá mield šoŋŋâdâhnubástus vaikuttâs talvijd lii lamaš pyereest uáinimnáál taan täälvi. Maaŋgâi soojij lii muáttám ennuv, mut muotâ lii suddâm jotelávt pivvâlis šooŋâi keežild. Tälvitulveh láá šoddâm maŋgii talle ko lii njábbám já arvam.
Käldee:
– Isot kevättulvat ovat mahdollisia Lapissa – lunta on runsaasti jo nyt (yle.fi)
Kove: Jasmina Schreck