Lávvárduv já pasepeeivi koskâsii iijâ tiijmijd kalga oppeet sirdeđ normaalááigán. Taat tiätá tiijme sirdem ovttáin tijmijn maassâdkulij tijme 4.00 iho, ađai normaalááigán sirdum tiet ijjâ kukko ovttáin tijmijn.
Tiijmeh sirdojeh puoh EU-enâmijn siämmáá peeivi já siämmáá ääigi. Tiijmij sirdem siämmáá ääigi lii tehelâš ovdâmerkkân aalmugijkoskâsii juná- já kirdemjotoluv keežild, tieđeet jotolâh- já viestâdemministeriö. Tiijmeh sirdojeh ain njuhčâmáánu já roovvâdmáánu majemuu pasepeeivi.
Suomâ lii čuávvum kesi- já normaalääigi pisovávt ivveest 1981. Motomijn enâmijn tego Islandist, Ruošâst, Indiast já Kiinast tiijmeh iä sirduu ollágin, ađai toh pisoh ubâ ääigi normaalääigist.
Euroop komissio iävtuttij ive 2018, et EU luovâččij kuohtii ivveest tábáhtuvvee tiijmij sirdemist. Ääši kieđâvuššâm lii tuáistáážân orostâm EU rääđist.
Käldee:
– Kellot talviaikaan ensi sunnuntaina 27. lokakuuta (valtioneuvosto.fi)
Kove: Sarah Richter (Pixabay)