Laapi pyereestvaijeemkuávlu (Lapha) tavesämikielâliih nettisiijđoh almostuvvii vuossaargâ roovvâdmáánu 21. peeivi. Nettisijđoin kávnojeh tiäđuh já ravvuuh Lapha sosiaal- já tiervâsvuotâpalvâlusâin.
Lapha mield sämikiel nettisijđoid lii lamaš kuhháá tárbu. ”Nettisiijđoh láá maŋgâsân vuossâmuš lävkki pyereestvaijeemkuávloin ášástâlmân, ko sij oceh tiäđuid palvâlusâin. Lii tehálâš, et mij pyehtip faallâđ aalgâ rääjist tiäđuid palvâlusâin sämikielân”, muštâl sämikielâlij já kulttuurmiäldásij palvâlusâi ovdedemhovdâ Tuuli Miettunen.
Nettisiijđoi anarâškielâliih já nuorttâlâškielâliih versioh almostuveh maŋeláá. Meid tavekielâlâš versio tievâsmittoo ain.
Laapi pyereestvaijeemkuávlu uárnee palvâlusâid neelji kielân: suomâ-, tave-, anarâš- já nuorttâlâškielân. Sämikieláid jurgâluvvojeh ovdâmerkkân jieškote-uvlágáneh ravvuuh, äššigâsäššikirjeh sehe piäiválâš viestâdem.
Käldeeh:
– Lapin hyvinvointialueen pohjoissaamenkieliset verkkosivut on otettu käyttöön (yle.fi)
– Lappi buresveadjinguovlu lea almmustahttán davvisámegielat neahttasiidduid (yle.fi)
Kove: Jasmina Schreck