Sämikielâi tutkâmuš oovdân­puohtui aalmugij­koskâsii sympo­siumist Bodøst

Čiččâd Saami Linguistics Symposium, SAALS7, čokkij sämikielâi totkeid já motomijd eres-uv ucceeblovokielâi äššitobdeid Tave-enâmij ulguubeln-uv Taažâ Bodøn skammâmáánu 4.–5. peeivi. Nord-universitet-ollâopâttuv čokkim ohjelm faalâi viijđes kejâstuv äigikyevdilis tutkâmfáddáid sämitutkâmušâst. Symposiumist kieđâvuššojii vijđáht sämikielâi historjá, rááhtus, kevttim, kielâiäláskittem já kielâteknologia.

Tábáhtume váldusahâvuáruid tooláin maadâsämmilâš totkee Inga Lill Mikkelsen Tromssa ollâopâttuvvâst já tavesämmilâš professor Pigga Keskitalo Laapi ollâopâttuvvâst.

Ohtâ symposium kuávdáš teemain lâi sämikielâi historjálâš ovdánem já kielâi koskâsiih ohtâvuođah. Sahâvuáruh kieđâvuššii ovdâmerkkân kielâkontaktijd já jienâdâhhistorjá.

Nubbe viijđes teema lohtui sämikielâi kevttimân já sirduumân suhâpuolvâst nuubán. Sahâvuáruh kieđâvuššii párnái kielâoppâm sehe sämikielâi kevttim päikkipirrâsist já arâšoddâdmist. Sahâvuáruin pajanij meiddei algâaalmugkielâi máttááttâs já kielâiäláskittem metodologisâš tárbu.

Symposiumist lijjii meid sahâvuáruh sämikielâi kirjálii kevttim tuárjoo piergâsijn já kielâteknologisii ovdánmist. Sahâvuáruh muštâlii ovdâmerkkân sänikirjepaargon lohtâseijee háástuin, eromâšávt ton uáinust, magareh vädisvuođah šaddeh, ko sänikirje ráhtoo oovtâ suundán sämikielâst suomâkielân já tastoo jorgettuvvoo nubij kejij. Ohtâ sahâvuáru kieđâvušâi tavesämikielâ automaatlii sárnumtubdâm.

Symposium faalâi aalmugijkoskâsávt totkeid máhđulâšvuođâ čuávvuđ sämitutkâmuš, lonottiđ jurduid já savâstâllâđ tutkâmân lohtâseijee äigikyevdilis fáádáin. Tábáhtume nonnij tave-eennâmlii ohtsâšpargo sämikielâi tutkâmsyergist.

SAALS uárnejuvvoo jyehi nube ive. Čuávuvâš adai káávcád SAALS8-symposium uárnejuvvoo Oulust.

Symposium ohjelmân já čuákánkiäsun puáhtá uápásmuđ Nord-universitet-ollâopâttuv siijđoin.

Kove: Marja-Liisa Olthuis

Kommenteh

Čääli komment

Čääli komment.
Čääli noomâd teehin.

Luuvâ meid

Uđđâsumos uđđâseh

Puohâi tiervâs­vuotâ lii siämmáá-árvusâš – vâi lii‑uv?

Suomâ almolii tiervâsvuotâ­vuáháduv kriisâ já toos čyeccee juátkojeijee šeštimtooimah láá savâstittám ennuv majemui aaigij. Lii čielgâs, ete almoliih tiervâsvuotâ­palvâlusah iä lah tuárvi, já távjá...

Kappeer­pingviineh Zavo­dovski suol­lust láá kiäp­pán­min

Stuorrâ-Britannia aalmuglii Antarktis-tutkâmlágádâs BAS (eŋg. British Antarctic Survey) totkeeh láá tutkâm máddáápiäláá Atlant váldumeerâst leijee Zavodovski suolluu iivij 2011 já 2025. Brittiliih totkeeh muštâleh,...

Suomâ, Taažâ já Kanada räije­jeh ryeš­šilij valas­tellei viisu­mijd

Suomâ haldâttâs meridij tuorâstuv staatârääđi almosčuákkimist, ete tot čavgee viisumij mieđettem ryeššiláid valastelleid. Suomâ olgominister Elina Valtosii (kok.) mield Ruoššâ kiävttá valastâllâm propaganda koskâuámmin. –...

Anarâškielâ servi almostit kyehti párnái­kirje skammâ­máánust

Anarâškielâ servi lii juátkám párnái- já nuorâikirjij almostittem. Tot almostit kyehti kirje 40‑ive juhlij ohtâvuođâst. Mainâsij ihe – Ijâttes ijjâ Vuosmuš tääl almostuvvee kirje lii párnái...

Kollekielâ-palhâ­šume mieđet­tui emeritus­professor Nils Øivind Helan­derân

Taankiärdásâš Kollekielâ-palhâšume lii mieđettum emeritusprofessor Nils Øivind Helanderân. Palhâšume mieđettui sunjin kuhes já maaŋgâpiäláág eellimpargoost sämikielâi oovdedmist. Palhâšume keigejui sunjin Helsigist skammâmáánu 11. peeivi....