Suomâ nuorttârääji kiddejui uđđâsist

Suomâ nuorttârääji lii kiddejum jo nube tove uánihis ääigi siste, taan tove ubâ mánuppajan. Rääji kolgâččij lekkâsiđ esken uđđivemáánu 14. peeivi.

Sisminister Mari Rantanen iätá, et Ruošâ hárjuttem hybridvolliitem kalga puoh tiilijn pyehtiđ orostittiđ. Suu mield sisministeriö mana jotelis äigitavluin čoođâ máhđulijd nubástitmijd já meid laavâ muttem. Rantanen ij lekkâm detaljijd tađe eenâb.

Meid njunošminister Petteri Orpo lii ettâm Yle Ykkösaamu vuolgâttâsâst, et haldâttâh kalga valmâštâllâđ pisovubboid čuávdusijd tile stáđásmitmân. Meiddei Orpo mield haldâttâh lii vaalmâš laavâ nubástitmân.

Räjikosáttuv mield rääji alne lii lamaš rávhálâš, peic et maadânuorttiipele räjikosáttâh lii aiccâm kyehti lovettes rääjirastaldittemtábáhtus virgálij sojij ulguubeln ton maŋa ko Vaalimaa räjijotteemsaje pieijui kiddâ moonnâm vástuppeeivi. Kuohtuuh lovettáá siisâ puátteeh lává uuccâm torvosaje Suomâst.

Käldeeh:

– Koko Suomen itäraja suljetaan uudelleen (valtioneuvosto.fi)

– Yksi ihminen tuli luvatta metsän kautta Suomeen lähellä Vaali­maata (www.is.fi)

– Rantanen raja­tilanteesta: Sisä­ministeriö käy läpi nopealla aika­taululla mahdolliset laki­muutokset (www.is.fi)

Kove: Kari Keskitalo, valtioneuvoston kanslia

Kommenteh

Čääli komment

Čääli komment.
Čääli noomâd teehin.

Luuvâ meid

Uđđâsumos uđđâseh

Sämikielâi tutkâmuš oovdân­puohtui aalmugij­koskâsii sympo­siumist Bodøst

Čiččâd Saami Linguistics Symposium, SAALS7, čokkij sämikielâi totkeid já motomijd eres-uv ucceeblovokielâi äššitobdeid Tave-enâmij ulguubeln-uv Taažâ Bodøn skammâmáánu 4.–5. peeivi. Nord-universitet-ollâopâttuv čokkim ohjelm faalâi...

Puohâi tiervâs­vuotâ lii siämmáá-árvusâš – vâi lii‑uv?

Suomâ almolii tiervâsvuotâ­vuáháduv kriisâ já toos čyeccee juátkojeijee šeštimtooimah láá savâstittám ennuv majemui aaigij. Lii čielgâs, ete almoliih tiervâsvuotâ­palvâlusah iä lah tuárvi, já távjá...

Kappeer­pingviineh Zavo­dovski suol­lust láá kiäp­pán­min

Stuorrâ-Britannia aalmuglii Antarktis-tutkâmlágádâs BAS (eŋg. British Antarctic Survey) totkeeh láá tutkâm máddáápiäláá Atlant váldumeerâst leijee Zavodovski suolluu iivij 2011 já 2025. Brittiliih totkeeh muštâleh,...

Suomâ, Taažâ já Kanada räije­jeh ryeš­šilij valas­tellei viisu­mijd

Suomâ haldâttâs meridij tuorâstuv staatârääđi almosčuákkimist, ete tot čavgee viisumij mieđettem ryeššiláid valastelleid. Suomâ olgominister Elina Valtosii (kok.) mield Ruoššâ kiävttá valastâllâm propaganda koskâuámmin. –...

Anarâškielâ servi almostit kyehti párnái­kirje skammâ­máánust

Anarâškielâ servi lii juátkám párnái- já nuorâikirjij almostittem. Tot almostit kyehti kirje 40‑ive juhlij ohtâvuođâst. Mainâsij ihe – Ijâttes ijjâ Vuosmuš tääl almostuvvee kirje lii párnái...