Taažâ vietij kunâgâs Harald V hävdidmijd koskoho Oslo tuámukirhoost. Harald V jaamij porgemáánu 28. peeivi. Sun kiergânij haldâšiđ Taažâ 35 ihheed. Sust šoodâi kunâgâs ive 1991 talle ko suu eeči Olav V jaamij.
Sivnedemsaavâst tiäduttui, et Harald V lâi eromâš alda táválijd ulmuid já et sun ovtâstitij ohtsâškode. Taažâ uáiviminister Jonas Gahr Støre kuvvij kunâgâs olmožin, kote toovâi juhlálâšvuođâin olmoošlii tábáhtus.
Harald V pivnohisvuotâ oinui pyereest suu jäämmim maŋa. Suullân 250 000 olmožid čuovvuu hävdidmijd kááđu alne. Ulmuuh kuođđii ennuv raasijd, kinttâlijd já liipuid kunâgâslane oovdân soroääigi, mii piištij 13 peivid. Paijeel 46 000 olmožid ellii čäittimin kunnijâtmis kunâgâs kisto kuvlân.
Tuámukirho seremonia maŋa kunâgâs kisto sirdui ucebáin juávhoin Akershus lanastâhân. Sun hävdidui tobbeen kunâgâslii mausoleumân jieijâs vaanhimij paaldân.
Ton maŋa ko kunâgâs kisto lâi sirdum mausoleumân, Taažâ soroäigi nuuvâi. Meid Suomâst lippu lâi pelistáágust maaŋgâ saajeest kunâgâs Harald V hävdidempeeivi.
Kove: Anette Ask / Taažâ kunâgâshovi