Meiddei čuávuvááh tälviolympialiih tuállojeh Euroopist. Toh uárnejuvvojeh Ranska Aalpâin kuovâmáánu 1.–17. peeivi 2030. Taat lii niäljád kerdi ko Ranska tuáimá olympialij išedin. Ovdebááh olympialiih láá uárnejum Chamonixist ive 1924, Grenoblest 1968 já Albertvillest 1992.
Ive 2030 olympialiih uárnejuvvojeh maaŋgâin päikkikuudijn Ranska Aalpâi kuávlust. Kištoh láá juohhum neelji váldukuávlun: Haute-Savoien, Savoien, Briançonân já Nizzan. Nizza tuáimá eromâšávt jieŋâšlaajâi kištokaavpugin, já tobbeen uárnejuvvoo meid olympialij loppâjuhle.
Puáttei olympialij orniimist tiäduttuvvoo pištevâš ovdánem. Sundáttâlmij mield nyevt 93 prosentid kištottâllâmsoojijn láá jo huksejum teikâ toh láá koskâpuddâsiih. Ulmen lii kepidiđ huksim pirâsvaiguttâsâid anemáin ävkkin valmâš čuoigâmkuávdáid já meiddei tivomáin jo ovddiist rahtum roođijd.
Vyerdimist lii, et čuávuváin olympialijn láá suullân siämmááh šlaajah ko taanihásijn olympialijn-uv. Eromâš pivnohis šlaajah läävejeh keččei tááhust leđe táiđuluistâlem, alppâčuoigâm, jieŋâskiärru, muotâluávdástâllâm já čuoigâm.
Tälviparalympialiih uárnejuvvojeh siämmáin kuávluin njuhčâmáánu 1.–17. peeivi 2030.
Käldee:
– French Alps 2030 (www.olympics.com)
Kove: Brice (Wikimedia Commons)