Taam čalluu čälidijn láá pessijááh. Aavis jurduuh láá kuittâg jo kesiluámust, suullân kesi-syeinimáánust. Toimâtteijeeh tarbâšeh luámu, mut Anarâš aavis liijká ferttee almostuđ. Kesiluámu várás toimâttâskodde lii arvâlâm, et jispa aavis ij mottoom ookon čuávuččiigin ollágin maailm tábáhtusâid. Keessiv mudoi-uv lii uđđâsij tááhust rávhálub äigi ko táválávt. Taan luámuááigán toimâttâskodde taarbâš čäällimiše.
Anarâš aavis almostuvá vittii ohhoost, adai tot taarbâš 20 čaalâd luámuääigi várás – vistig luámuááigán já tastoo vuosmuid peivijd luámu maŋa. Čäällimpargo váátá ain mottoom verd ääigi, nuuvt et uđđâ čallui almostitmáin ij liččii nuuvt huáppu tállân luámu maŋa.
Tääl aavisist ličij koŋkreetlâš koččâmuš: puávtáččih-uv tun-uv išediđ, adai čáláččih-uv aavisân maidnii? Aavis váldá vuástá blogijd já uáivilčalluid já mondietpa ij kyessičällee čäällim njunoščalluid-uv. Blogih pyehtih kyeskiđ luándun, kielân, tuojijd teikâ piäiválii elimân. Uáivilčalluuh pyehtih kieđâvuššâđ puohlágánijd aašijd, moin naalijn maailm puávtáččij teikâ kolgâččij pyerediđ. Njunoščallui fáádáin puávtáh sooppâđ njunoštoimâtteijein.
Čalluid puáhtá toimâttiđ aavisân kesimáánu aalgâ räi. Tastoo toimâttâskodde kiergân šievnáál toimâttiđ taid almostittemoornigân. Keevâtlávt čalluuh mannojeh kielâlávt čoođâ, adai kielâfeeilâin ij taarbâš poollâđ. Čaalâ taarbâš ain uđâskove, mii kolgâččij leđe láskud, adai ij ciägukove. Blogijn pyehtih leđe eenâb-uv koveh.
Servi máksá čalluin já almostittum kuuvijn, adai nuuvtá čalluid ij taarbâš čalâččiđ. Jis perustuvvih, te vääldi ohtâvuođâ aavis njunoštoimâtteijei Valtteri Valkeapolkun já soovâ suin čalluinâd.
Keesi kiärppáid já kesičalluid vyerdidijn Anarâš aavis tuáivut hitruus kiiđâ.
Kove: Valtteri Valkeapolku