Säämi aalmugpeivi juhloo párnáimuusikkonsertijguin Anarist já Ruávinjaargâst. Suõmmšuõn ~ Šuoŋâsuonjâreh ~ Šuokŋasuotnjarat ‑haahâ almostit muusikalbum já laavlâkirje, mast láá 30 uđđâ párnáilaavlâd sämikielân.
Suõmmšuõn ~ Šuoŋâsuonjâreh ~ Šuokŋasuotnjarat ‑haahâ áávvud uđđâ párnáimuusik ubâ perruu konsertijguin Anarist já Ruávinjaargâst. Aanaar konsert uárnejuvvoo lávurduv 7.2. Sämikulttuurkuávdáš Sajosist, já Ruávinjaargâ konsert lii pasepeeivi 8.2. Kulttuurtáálu Korundist.
Konsertijn peessâp navdâšiđ, lávluđ já sierâdiđ uđđâ lavlui mield. Pitáh láá nuorttâlâš-, anarâš- já orjâlâškielân. Taid lávluh Anna Lumikivi-Lemmetty, Essi Morottaja, Heli Huovinen já Ulpu Mattus-Kumpunen. Konsertijn čuojâtteh siämmááh čuojâtteijeeh ko skiärust-uv ađai párnáimuusikorkester Loiskis já Laapi káámmárorkester.
Muusik maaŋgâlágán táárbun
Párnáimuusikhaavâ tyehin lii Čuovvâd-pargojuávkku, moos kuleh Morottaja, Lumikivi-Lemmetty, Huovinen, Mattus-Kumpunen já Jessika Lampi. Haahâ pieijui joton ive 2023. Lavlui já kukkâsij lasseen pargojuávkku lii ráhtám uđđâ leu’dd-, livđe- já luohtipittáid. Kirjeest kávnojeh oovtâkiärdánis ravvuuh toos, moh pittáid láá uáivildum sijjân, kiäh láá perustum sämikielâin já ‑kulttuurijn, já moh pittáid láá tuše sämmiláid. Pargojuávkku haalijd návt movtijdittiđ ulmuid sehe máttááttâllâđ sämikielâid já suojâliđ muusikäärbi kulttuurlii ávhástâlmist. Tárbu sämikielâg párnáimuusikân já oppâmateriaalân lii styeres.
– Ko kuulâm párnáidân lávlumin já hutkâmin jieš lavluid sämikielân, lihâttuum čuuvtij. Muusik vyeimi lii nanos. Tot tuárju párnáá kielâovdedem merhâšittee ennuv arâavveest. Tondiet tuáivum maailmân lase párnáimuusik sämikielân, vâi sämikielâi iäláskittem nanosmuvá meid kollektiivlávt, muštâl haavâ proojeektkoordinaattor Essi Morottaja.
Haavâ láá tuárjum sämipárnái kulttuurkuávdáš Mánnu, Aanaar kieldâ, Suomâ Kulttuurruttârááju, Laapi káámmárorkester, Loiskis Ry, Taike, Sämitigge, Sämirääđi, Otto A. Malm skeŋkkimruttârááju já Vamo ry.
- Mii: Ubâ perruu konserteh kuulmâ sämikielân
- Äigi já saje:
- 7.2.2026 tme 14, Sajos, Aanaar.
- 8.2.2026 tme 14, Korundi, Ruávinjargâ.
- Pištem: 50 min.
- Liipuh:
- Aanaar konsert lii puohháid nuuvtá, já tot vuolgâttuvvoo pirrâ maailm čujottâsâst www.sajos.fi/live.
- Ruávinjaargân Lippu.fi-palvâlusâst. Párnááh 6 €, huolâtteijeeh 1,50 € palvâlemmávssoin.
Muusikalbum já laavlâkirje puáhtá uástiđ pääihi alne.
Lasetiäđuh: suommsuon@gmail.com
Instagram: https://www.instagram.com/suommsuon/
Facebook: https://www.facebook.com/profile.php?id=61556326056602
Šuoŋâsuonjârij tiäđáttâs
Artikkâlkove: Kevin Francett / Kajastus