Yle koijâdâllâm mield Suomâ sosialdemokraatlâš piäládâh juátká Suomâ stuárráámussân piäládâhhân. Piäláduv kyedittem lii pajanâm, já tääl tot lii 24,3 %, mii lii 1,7 % eenâb ko ovdebáá koijâdâlmist mánuppaje tassaaš. Yle koijâdâlmij mield Suomâ sosialdemokraatlâš piäládâh lii lamaš Suomâ stuárráámus piäládâh porgemáánu rääjist.
Jis čuávuvááh vaaljah tolluuččii onne, te nubben puáđáččij Aalmuglâš Kokoomus (18,8 %) já kuálmádin Vuáđusyemmiliih-piäládâh (15,7 %). Ovdebáá koijâdâlmân verdiddijn kuohtui piäláduvâi kyedittem lii kiäppánâm: Aalmuglâš Kokoomus -1,2 % já Vuáđusyemmiliih -1,0 %.
Eres piäláduvâi puátuseh koijâdâlmist láá čuávuvááh:
- Suomâ Kuávdášpiäládâh 13,1 % (-0,1 %)
- Ruánáá litto 8,0 % (+0,4 %)
- Čižetlitto 9,3 % (=)
- Suomâ ruátálâš aalmugpiäládâh 4,0 % (+0,1 %)
- Suomâ Ristâlâšdemokraateh 3,5 % (+0,1 %)
- Liike Nyt 1,1 % (-0,3 %)
Pelnub ive tassaaš Aalmuglâš Kokoomus vuoitij ovdâskoddevaaljâid. Talle tot finnij 20,8 % jienâin. Vaaljâin nubben poođij Vuáđusyemmiliih-piäládâh (20,1 %), já kuálmádin Suomâ sosialdemokraatlâš piäládâh (19,9 %).
Käldee:
– Ylen kannatusmittaus: SDP nousussa, kokoomus ja perussuomalaiset putoavat yhä (yle.fi)
Kove: kp yamu Jayanath (Pixabay)