Yle koijâdâllâm mield Aalmuglâš Kokoomus juátká Suomâ stuárráámussân piäládâhhân. Piäláduv kyedittem lii pajanâm, já tääl tot lii 22,5 %, mii lii 0,9 % eenâb ko ovdebáá koijâdâlmist mánuppaje tassaaš.
Jis čuávuvááh vaaljah tolluuččii onne, te nubben puáđáččij Vuáđusyemmiliih-piäládâh (21,0 %) já kuálmádin Suomâ sosialdemokraatlâš piäládâh (19,6 %). Ovdebáá koijâdâlmân verdiddijn Vuáđusämmilij kyedittem lii pajanâm ucánjáhháá (+0,4 %). SDP kyedittem vuod lii kiäppánâm mottoom verd (-0,3 %).
Eres piäláduvâi puátuseh koijâdâlmist láá čuávuvááh:
• Suomâ Kuávdášpiäládâh 9,7 % (-0,5 %)
• Ruánáá litto 7,3 % (-0,2 %)
• Čižetlitto 7,5 % (=)
• Suomâ ruátálâš aalmugpiäládâh 4,5 % (+0,4 %)
• Suomâ Ristâlâšdemokraateh 4,0 % (-0,3 %)
• Liike Nyt 1,7 % (-0,3 %)
Kyehti mánuppaje tassaaš Aalmuglâš Kokoomus vuoitij ovdâskoddevaaljâid. Talle tot finnij 20,8 % jienâin. Vaaljâin nubben poođij Vuáđusyemmiliih-piäládâh (20,1 %), já kuálmádin Suomâ sosialdemokraatlâš piäládâh (19,9 %).
Käldee:
– Ylen kannatusmittaus: Säätytalon puolueet kasvattivat kannatustaan yhtä lukuun ottamatta (yle.fi)
Kove: Gerd Altmann (Pixabay)