Laapist lieggâsub oholoppâ ko kuássin ovdil skammâmáánu historjást

Moonnâm vástuppeeivi ehidispeeivi Njellimist mittedui 12,6 cekkid, mii lii uđđâ liegâsvuotâulâttâs Laapi kuávlust skammâmáánust. Jo iđedisiijâ mittedui paijeel 10 cekkid Tave- já Koskâ-Laapist, mii lii eromâš ennuv.

Njellim lasseen meid Kaamâsist mittedui 11,8 cekkid já Väävlist 11,7 cekkid. Ucjuuvâ Kiävust mittedui 11,5 cekkid.

Tiänust já Avveeljuuvâst jieŋah suddii ollásávt lihmáduv keežild.

Ovdebâš Laapi ulâttâs lâi ive 1975 liegâsvuotâmittedem, 11 cekkid, mii mittedui Pellost já Pajetuárnusist.

Foreca tiäđáttâs muštâl, et Laapi uđđâ ulâttâs tyehin lii Suomân kulgâm lieggâ áimumasa já föhn-piegâ ohtsâšvaiguttâs. Tave-Suomâst ij meidgin lah ollágin muotâ, mon suddâdmân liegâsvuotâenergia ličij kuullâm.

Liegâsvuotâtile muttui kuittâg jo lávvárduv táválii skammâmáánu tilán, ko liegâsvuotâmittár lâi vuod suullân nolláást. Älgee ohhoost liegâsvuotâ lii nolá kuohtui pelij.

Suomâ mittedemhistorjá ollâgumos liegâsvuotâ skammâmáánust, 16,6 cekkid, mittedui Vuáskuenâmist Maarianhamina kirdemkiedist skammâmáánu 6. peeivi 2020.

Käldee:

– Lapissa lähes 50 vuotta vanha lämpöennätys rikki – viikonloppua vietetään pääosin poutaisessa, mutta hieman viileämmässä säässä (yle.fi)

Kove: Tapani Hellman (Pixabay)

Kommenteh

Čääli komment

Čääli komment.
Čääli noomâd teehin.

Luuvâ meid

Uđđâsumos uđđâseh

Kappeer­pingviineh Zavo­dovski suol­lust láá kiäp­pán­min

Stuorrâ-Britannia aalmuglii Antarktis-tutkâmlágádâs BAS (eŋg. British Antarctic Survey) totkeeh láá tutkâm máddáápiäláá Atlant váldumeerâst leijee Zavodovski suolluu iivij 2011 já 2025. Brittiliih totkeeh muštâleh,...

Suomâ, Taažâ já Kanada räije­jeh ryeš­šilij valas­tellei viisu­mijd

Suomâ haldâttâs meridij tuorâstuv staatârääđi almosčuákkimist, ete tot čavgee viisumij mieđettem ryeššiláid valastelleid. Suomâ olgominister Elina Valtosii (kok.) mield Ruoššâ kiävttá valastâllâm propaganda koskâuámmin. –...

Anarâškielâ servi almostit kyehti párnái­kirje skammâ­máánust

Anarâškielâ servi lii juátkám párnái- já nuorâikirjij almostittem. Tot almostit kyehti kirje 40‑ive juhlij ohtâvuođâst. Mainâsij ihe – Ijâttes ijjâ Vuosmuš tääl almostuvvee kirje lii párnái...

Kollekielâ-palhâ­šume mieđet­tui emeritus­professor Nils Øivind Helan­derân

Taankiärdásâš Kollekielâ-palhâšume lii mieđettum emeritusprofessor Nils Øivind Helanderân. Palhâšume mieđettui sunjin kuhes já maaŋgâpiäláág eellimpargoost sämikielâi oovdedmist. Palhâšume keigejui sunjin Helsigist skammâmáánu 11. peeivi....

Suomâ šoŋŋâ­dâh lii lieg­gân­min torvo­lii rääji paijeel

Taan ive keesi lâi vaigâd Euroopân. Koskâ- já Maadâ-Euroopist lijjii korrâ pakkâpajeh, juuvah kuškii já sehe elleeh já ulmuuh killájii. Pakkâseh maksii Euroopân joba...