Ovtâstumstaatâlâš musikkár Tito Jackson lii jáámmám 70-ihásâžžân. Sun lâi kuálmád Jackson musikkárperruu oovce párnáást. Tito já suu viiljah Jackie, Jermaine, Marlon já Michael vuáđudii Jackson 5 -juávhu ive 1964. Michael Jacksonist šoodâi maŋeláá pegâlmâs poptäsni. Sun jaamij kesimáánust 2009.
Tito Jackson tooimâi muusikjuávhu skiäruin tuáváášlávlon já kitaristin. Jackson 5 pivnohis pitáh láá ovdâmerkkân ABC, I Want You Back já I’ll Be There. Maŋeláá juávhu nommâ muttui The Jacksonsin. Ive 1980 viljâžáid mieđettui täsni Hollywood Walk of Famen sii pargoost makkuuttâsráhtulâšvuođâ pyerrin.
Tito viljâidiskuin lii juátkám lávdástem tai aaigij räi. Juávkku čuojâttij vala algâčoovčâ ääigi Britanniast já Saksaast. Tito Jacksonist lâi meid karrieer blues-musikkárin.
Jackson jämimist muštâlii suu kaandah TJ, Taj já Taryll sosiaallii mediast.
Käldeeh:
– Michael Jacksonin isoveli Tito Jackson kuollut (yle.fi)
– Jackson 5 singer Tito Jackson dead at 70 (www.bbc.com)
Kove: CBS Television (Wikimedia Commons)