Kesiäigi lii vuod álgám lávvárduv já pasepeeivi koskâsii iijâ. Tijme sirdui ovttáin tijmijn ovdâskulij iđedisiijâ kuulmâ ääigi.
Tiijmeh sirdojeh puoh EU-jeessânenâmijn siämmáá peeivi já siämmáá ääigi. Tijmij sirdem siämmáá ääigi lii tehelâš ovdâmerkkân almugijkoskâsii juná- já kirdemjotoluv keežild, tieđeet jotolâh- já viestâdemministeriö. Tiijmeh sirdojeh ain njuhčâmáánu já roovvâdmáánu majemuu pasepeeivi.
Suomâ lii čuávvum kesi- já normaalääigi pisovávt ivveest 1981.
Euroop komissio iävtuttij ive 2018, et EU luovâččij kuohtii ivveest tábáhtuvvee tijmij sirdemist. Ääši kieđâvuššâm lii tuáistáážân orostâm EU rääđist.
Kesiääigi nuávditmist maailmist láá mulsâšuddee vyevih. Ovdâmerkkân Australiast Uđđâ Maadâ-Wales uásistaatâst tijme sirdoo kesiááigán, mut ránnjástaatâ Queensland piso normaalääigist pirrâ ive.
Motomijn enâmijn tego Islandist, Ruoššâenâmist, Indiast já Kiinast tiijmeh iä sirduu ollágin, adai toh pisoh ubâ ääigi normaalääigist.
Käldee:
– Suomi ja muu EU siirtyvät kesäaikaan ensi yönä – kesä- ja normaaliajasta kirjavia käytäntöjä maailmalla (www.mtvuutiset.fi)
Kove: PIRO (Pixabay)