Ive 2024 Euroop union pargein 6,6 prooseent porgii kuhes pargopeeivijd. Taat lii suulân 33 % ucceeb ko ive 2014, kuás loho lâi 9,8 prosentid. Ive 2019 loho lâi 8,4 prosentid. Tiäđuh kávnojeh Euroop union statistiikvirgeomâháá Eurostat tiäđáttâsâst.
Lovottuvah kyeskih 20–64-ihásáid. Kuhes pargopeivin miäruštâlloo tot, ko pargee parga váldupargostis távjá 49 tijmed tâi eenâb ohhoost.
Jiečânâs pargein kuhes peeivijd porgii 27,5 prosentid. Pälkkipargei loho lâi ennuv ucceeb: 3,4 prooseent. Kuhes pargopeeivih lijjii táválumoseh eennâmtuálu-, meccituálu- já kyelituálupargoost (26,2 % ulmuin taan luokkaast) sehe jođettempargoost (21,1 %).
Euroop union enâmijn enâmustáá pargeeh, kiäh porgii kuhes peeivijd, lijjii Kreikkaast (12,4 % kreikkalijn), Kyprosist (10,0 %) já Ranskaast (9,9 %). Ucemustáá tágáreh pargeeh vist lijjii Bulgariast (0,4 %), Latviast (1,0 %) já Liettuast (1,4 %). Suomâst kuhes peeivijd porgii 5,3 prooseent pargein, mii lii ucánjáhháá stuárráb ko EU koskâárvu 6,6 prooseent.
Käldee:
– 6.6% of employed people worked 49 hours or more weekly (ec.europa.eu)
Kove: Freddy (Pixabay)