Europarlamentarikkár Sirpa Pietikäinen tieđeet, et Euroop parlament lii tuhhiittâm vyeijimkorttâdirektiiv, mon ulmen lii finniđ oovtnálásijd njuolgâdusâid vyeijimkoortâ mieđeetmân já tuubdâstmân ubâ EU:st, tastko jeessânenâmijn láá ain jieškote-uvlágán vyevih ovdâmerkkân vyeijimkoortâ kevttimist nube EU-jeessânenâmist. Ulmen lii pyerediđ jotolâhtorvolâšvuođâ já toohâđ EU-staatâlij rijjâ jotteem máhđulâžžân.
Direktiiv mield moottorpyerái já autoi vyeijimkoortah kalgeh leđe vyeimist 15 ihheed. Parlament ij kuittâg halijdâm tuárjuđ komissio algâalgâlii oovdânpyehtimist nomâttum iävtuttâs, mii ličij raijim aheulmui vyeijimkoortâ vyeimistorroom.
Algâttâllee vyeijeid puátá ucemustáá kyevti ive iskosäigi, kuás sijjân asâttuvvojeh tiätu raijiittâsah, tego čovgâdub ráŋgáštâsah varâlii vyeijimist teikâ čovgâdub alkoholrääjih. Meiddei digitaallâš vyeijimkorttâ ovdeduvvoo.
Lii tergâd, et vyeijimkorttáid lohtâseijee njuolgâdusah šaddeh oovtnálásâžžân ubâ EU kuávlust. Taat lii sehe EU-aalmugässei et jeessânenâmij pyerrin, et jotolâhtorvolâšvuotâ já rijjâ jotteem staatâi kooskâst puáráneh.
Käldee:
– Liikenneturvallisuutta halutaan parantaa ajokorttisaantoja muuttamalla (www.sirpapietikainen.net)
Kove: Stefan Schweihofer (Pixabay)