Nubástus Anarâš­kielâ seervi 40‑ive juuhlán: Párnái juhle lii macât­tum, ton saa­jeest lii uđđâ ohjelm

Anarâškielâ seervi váldujuhle tuálloo skammâmáánu 24. peeivi tijme 16.30–20. Vistig vuáváámist lâi, ete servi orniiččij párnái juhle ovdil puohâi váldujuhle. Äigitavlu­suujâi tiet párnái juhle lii kuittâg macâttum.

Ton saajeest servi uárnee párnáid pargopáájáid Anarist já Avelist. Pargopáájáh láá jo skammâmáánu 23. peeivi, já taid stivriv Heli Huovinen já Ulpu Mattus-Kumpunen. Ohjelmist lii sierâdem já muusik.

Avveel pargopáájá lii kielâpiervâl Kuáđist tijme 9.40 rääjist.

Aanaar pargopáájáh láá kyehti: vistig Aanaar škoovlâst tijme 12.00 rääjist, talle Piervâlist já Piäjust tijme 14.30 rääjist.

Pargopáájáh pišteh suullân 45 minuttid.

_{Kove: Kaisa-Maria Poikela}