Veli-Pekka Lehtola suomâkielâlâš kirje ”Kenen maa, kenen ääni? Saamelaisten ja suomalaisten suhteet esihistoriasta nykypäivään” lii iävtukkâssân taan ive historjákirjen.
Ive historjákirje ‑palhâšume lii Historjá Ustevij Lito ive 1973 rääjist jyehim palhâšume. Tot juáhhoo jyehi ive taggaar kiirján, mii lii merhâšitteht ovdedâm historjálii tiettim vijđánem já jieŋâlmem syemmilii aalmug kooskâst.
Historjá Ustevij Litto lii uážžum taan ive ennuv iävtukkâsâid, main lito stivrâ valjij vittâ kirje. Lehtola kirje lasseen palhâšume iävtukkâssân láá ”Suursodan unohdetut kasvot. Naiset 30-vuotisessa sodassa” (Olli Bäckström), ”Kolonialismin muokkaama maailma” (Janne Lahti já Johanna Skurnik), ”Kohtalona gulag. Suomalaiset 1930-luvun Neuvostoliitossa” (Ira Jänis-Isokangas) já ”Sanomalehtien sisällissota” (Helena Pilke).
Ive historjákirje ‑palhâšume vyeittee almottuvvoo koskoho 17.12.2025.
Käldeeh:
– Lehtola girji evttohassan jagi 2025 historjáduodjin (yle.fi)
– Vuoden 2025 historiateos -ehdokkaat on julkistettu! (www.historianyst.fi)
Kove: DariuszSankowski (Pixabay)