Ellei okko viättoo roovvâdmáánu 4.–10. peeivi. Taan ive fáddán lii ”aldaluándu elleeh”. Ellei oho várás Suomâ elleisuojâlemservi SEY lii ráhtám oppâmmateriaalijd, moh láá vuávájum eromâšávt arâšoddâdmân já vyeliškoovlâi máttááttâsân. Puoh materiaaleh láá finnimnáál suomâ- já ruotâkielân. Tai materiaalijguin párnááh pyehtih uápásmuđ aldaluándu elleid, oppâđ iberdiđ toi táárbuid já pyereestvaijeem merhâšume sehe suogârdiđ, maht kohtâliđ elleid pyereest. Oppâmateriaaleh heivejeh párnái šoddâdmân pääihist, kerhoin já škoovlâin. Materiaalijd puáhtá tiiláđ nuuvtá SEY-nettisiijđoin.
Valjimnáál láá kyehti raavâkirje: Ystävämme luonnossa -raavâkirje lii uáivildum vyeliškovlâahasáid, Eläimet lähelläsi -raavâkirje vuod arâšoddâdmân. Ton lasseen SEY-siijđost kávnojeh meid digimateriaaleh, moiguin puáhtá uápásmuđ ovdâmerkkân ellei navccáid já eellimpirrâsáid, čuávdiđ ruossâháid, uásálistiđ tiätukištoid já veikkâ rähtiđ loddevuovdâ. Oppâmateriaalin lii meid tiilámnáál Luonto on kotimme -plaakaat, moin puáhtá uápásmuđ luánduelleid jieškote-uvlágánijn iveaaigijn. Tágáreh materiaaleh liččii anoliih meiddei anarâškielân.
Kove: Atte Oksanen