Taan ive nubbe Grand Slam ‑tennisturnam, Roland Garros, lii vuálgám joton pasepeeivi Pariisist. Stuárráámuuh vuárdámušah miänástusâst liäbbájeh tääl maailmlisto njunošist leijee Jannik Sinner ärdei alne. Sun lii haldâšâm ATP-speelâid majemui mánuppojij.
24-ihásâš italialâš lii vuáittám taan paje eereeb iärrás Indian Wells, Miami, Monte Carlo, Madrid já Rooma turnaamijd. Sun puátá Pariisin maŋgâi vuáitui maŋa já háputtâl karrieeris vuosmuu Roland Garros ‑miäštárvuođâ já meid nuuvt kočodum career slam adai puoh neelji Grand Slam ‑turnam vuáitu.
Turnam munevuárdámušah láá eromâšeh meid ton uáinust, ete maaŋgah täsnispelleeh iä lah fáárust ruásnulumij keežild. Ohtâ sist lii espanjalâš Carlos Alcaraz, kiän kietâruotâs ij killáá spellâm. Alcaraz ličij lamaš Pariisist kyevtkiärdásâš haldâšeijee miäštár já ohtâ kievrâmuin vyeitteeiävtukkâsâin.
Almai turnaamist italialâš Lorenzo Musetti lii olgon kištoost čuárbpelváádu keežild, já ranskalij keččei jiellâhspellee Arthur Fils puácá loŋkkáás. Meddâloromij keežild Sinner hastâleijen annojeh tääl Novak Djokovic, Daniil Medvedev já Alexander Zverev.
Nisonij peln haldâšeijee miäštár Coco Gauff, maailmlisto njunošist leijee Aryna Sabalenka já neeljikiärdásâš Roland Garros ‑vyeittee Iga Świątek kuleh kievrâmuid vyeitteeiävtukkâssáid. Espanjalâš Paula Badosa ij peesâ fáárun ruásnulume keežild.
Turnam ohtâvuodâst savâstâllâm lii pozettâm meid tutâmettumvuotâ palhâšumeruđâi jyehimân. Maaŋgah spelleeh, tego Sinner, Sabalenka já Gauff, protestisteh ääši toin naalijn, et sij räijejeh sahhiittâllâmaigijdis tuše viđânubálov minuttân. Spellei mielâst Grand Slam ‑turnaameh mäksih meendu smavvâ uási puáđuinis palhâšumeruttân spelleid.
Käldeeh:
– Roland Garros gaat beginnen: onklopbare Sinner en spelers willen meer geld (nos.nl)
– Sinner heeft het rijk alleen, Sabalenka wil eindelijk succes op gravel en mogelijke boycot vanwege prijzengeld – 5 verhaallijnen Roland Garros (www.eurosport.nl)
Kove: Like tears in rain (Wikimedia Commons)