Ovdâstumstaatâlâš rock-juávkku Aerosmith jaska láávdástmist juávhu lávloo Steve Tyler jienâpoovsâváádu tiet. Tyler jienâ vahadui pisovávt ko sunjin šoodâi jienâpoovsâváddu čohčâmáánust láávdástdijn 2023.
Aerosmith-juávkku muštâlij tiäđáttâsâstis, et Tyler lâi viggâm maaŋgâ mánuppaje ääigi vajoidittiđ jienâs ton táásán ko tot lâi ovdil váádu. Veikkâ iššeen láá lamaš pyeremuuh talhâstiettuu äššitobdeeh, te lii čielgâm, et tievâslâš vajoidume váádust ij lah máhđulâš. ”Mij lep toohâm vááimu povčâgittee já vaigâdis, mut taarbâšlii miärádâs, et bändin mij kiäsádâttâp konsertráiđulavdij alne”, Aerosmith-juávkku čáálá tiäđáttâsâstis porgemáánu 2. peeivi.
Juávkku kiergânij čuojâttiđ kulmâ konsert Peace Out -konsertráiđustis ovdil ko sij ferttejii macâttiđ puoh konsertijd, moh lijjii vala čuojâthánnáá. Peace Out ličij lamaš Aerosmith majemuš konsertráiđu.
Ive 1970 vuáđudum Aerosmith-juávkku lii vuáittám nelji Grammy-palhâšume. Lávloo Steve Tyler lasseen juávkun kuleh taan ääigi kitaristeh Joe Perry já Brad Whitford, basist Tom Hamilton sehe rumbal Joey Kramer.
Käldeeh:
– Rockyhtye Aerosmith lopettaa kiertue-esiintymiset, laulaja Steven Tylerin ääni on pysyvästi vahingoittunut (yle.fi)
– Aerosmith has retired from touring. Here’s all we know about Steve Tyler’s health issues (www.who.com.au)
Kove: David W. Baker (Wikimedia Commons)