Pedagog já kielâtotkee Klaus Peter Nickel lii jáámmám 86-ihásâžžân. Nuuvt čaalij Nickel nieidâ jieijâs Facebook-siijđost.
Nickel lâi pajasšoddâm ovdii saksalii kaavpugist Danzig/Gdańskist, mii onnáá peeivi kulá Puolan. Sun varrij Kuovdâkiäinun porgâđ puásuialmajin 1960-lovvoost. Sun almostitij maŋgâ sämikielâlii kirje, eereeb iärrás tavesämikielâ–saksakielâ- já saksakielâ–tavesämikielâ-sänikiirjijd oovtâst Pekka Sammallahtijn. Kuáhtásist almostui meid merhâšittee tavesämikielâ kielâoppâkirje 1990-lovvoost. Kiirjij čäällim lasseen Nickel máttááttij sämikielâ jotkâškoovlâst. Sun tooimâi meid išemáttáátteijen Tromsa ollâopâttuvâst.
Käldee:
– Pedagoga ja gielladutki Klaus Peter Nickel lea vádjolan (www.nrk.no)
– Klaus Peter Nickel 70 jagi (www.nrk.no)
Kove: Jasmina Schreck