Lappajärvi kraatterjäävrist šoodâi Suomâ viiđâd Unesco Geopark

Lappajärvi kraatterjäävrist šoodâi Unesco Geopark koskoho 27.3.2024. Tot lii Suomâ viiđâd čuosâttâh Unesco maailmvijđosii geologlávt mávsulij kuávlui viärmáduvâst. Geopark-viärmádâhân kuleh tääl 213 geoparkid 48 enâmist.

Kraatterjävri Geopark lii Maadâ-Pohjanmaa eennâmkoddeest Alajärvi, Evijärvi, Lappajärvi já Vimpeli kieldâi kuávlust. Lappajärvi lii Euroop stuárráámus kraatterjävri. Tot šoodâi suullân 78 miljovn ihheed tassaaš, ko meteoriit suojâi kuávlun. Kuávlu eromâš äšši lii keđgišlaajâ kärnäiitti.

Miärádâs Unesco statusist lii meriáigásâš. Geopark ferttee tevdiđ tiätu kriterijd, moi tevdim tárkkojuvvoo jyehi niäljád ive.

Suomâ nelji eres Unesco Geopark láá Rokua Geopark, Lauhanvuori–Hämeenkangas Geopark, Saimaa Geopark já Salpausselkä Geopark. Geoparkist ferttee leđe miinii merhâšittee geologlijd aarbijd, mii lii vaiguttâm kuávlu luándu já kulttuur ovdánmân. Geoparkij ulmen lii lasettiđ tiäđulâšvuođâ kuávlu geologlii luándu- já kulttuuräärbi merhâšuumeest sehe ovdediđ tai áárvui siäiluttem.

Käldeeh:

– Lappajärven Kraatterijärvi Geopark sai Unescon hyväksynnän (yle.fi)

– Kraatterijärvi Geopark (kraatterijarvigeopark.fi)

Kove: Santeri Viinamäki (Wikimedia Commons)

Kommenteh

Čääli komment

Kirjoita kommenttisi!
Kirjoita nimesi tähän

Luuvâ meid

Uđđâsumos uđđâseh

Hundârušmeh purrâmušveerhij pyehtimist Suomân

Uuđâs, et Lidl ij innig pyevti heđâlmijd já ruonnâsijd kirdemrahtin lii sehe pyeri já hyenes äšši. Lii pyeri, ete purrâmušveerhij CO2-luástuh kiäppáneh, mutâ hyenes...

Uđđâ kirječällee anarâškielân

Saijoos šiljoost skirviittâleh ulmuuh kirkis piäiváduvvâst. Lii koskokko, cuáŋuimáánu 3. peivi, já Aanaar keessilis kirjerááju siste kullojeh ilolâš povvâstem, uccâumogáá iloliih jienah já olmoošjuávhu...

Áimutiettuu lágádâs: Suomâ puttásumos áimu kávnoo-uv Pallasist

Sveiccilâš IQAir-irâttâs raapoort tieđettij moonnâm ohhoost, et maailm puttásumos áimu kavnuuččij Suáđigilist, Ucjuuvâst já Kuáccámist. Tast muštâlii eres lasseen Helsingin Sanomat sehe meid Anarâš...

Kanada áigu faallâđ nuuvtá estim nisonáid

Kanada haldâttâs áigu faallâđ nuuvtá äpittesvuođâ estim eennâm puoh suhâjuátkimahasáid nisonáid. Ääšist muštâlij Kanada išeuáiviminister Chrystia Freeland. Estimpillerij hadde lii Kanadast suullân 205 eurod ivveest....

Aleksi Virolainen lii vuosmuš syemmilâš, kote lii vuáittám maailm tehálumos Counter-Strike 2 -turnam

Syemmilâš Aleksi "Aleksib" Virolaisii juávkku Natus Vincere vuoitij Counter-Strike 2 -speelâ Major-turnaamist Kööbenhamânist maŋŋeed pasepeeivi ehidist njuhčâmáánu 31. peeivi. Major lii speelâ tehálumos já...