Áávus ry viggá orniđ tuárispeln perruid astoäigitooimâ

Ive 2022 keessiv vittâ eeni čokkânii Anarist. Sist puohâin lijjii sämikielâliih párnááh já sij suogârdii vuovijd faallâđ párnáidis astoäigitooimâid sämikielân. Sij meridii vuáđudiđ tađe várás seervi, mii ličij ávus puohháid, já mon nommân tondiet šoodâi Áávus rs. Servi lii toimâm aktiivlávt moonnâm keesi rääjist, já tääl tot ocá eenâb perustum jesânijd. 

Vuáđudeijeejuávkun kuleh Onneli Sieppi, Zuzana Skálová, Heini Wesslin, Suvi King já Rebecka Kohvakka. Sist lâi juurdân ovdediđ já lasettiđ uđđâ äigiájánâsmáhđulâšvuođâid já kulttuurtooimâ eromâšávt tuáriskuávlui ässeid. Uđđâ seervi tergâdis ulmen lâi lasettiđ meiddei jieškote-uvlágánijd toimâmpirrâsijd sämikielâ kevttimân maaŋgâpiälálâš rijjâääigi tooimâi peht. 

Servi lii ornim maaŋgâlágán tábáhtuumijd: seinikuárŋum já Halloween-juuhlijd, peerâoholoopâ Ruávijäävrist, taaiđâoholoopâ  já motomijd lihâdempuudâid, táválávt Vasatokkaast. 

Áávus rs tááláš saavâjođetteijee Onneli Sieppi valdâl seervi vuáđujurduu: ”Mii juurdân lii lamaš orniđ tagarijd pop up -hámásijd tábáhtuumijd ain tyellitälli, talle ko kiinii vaja teikkâ haalijd maidnii orniđ. Tárguttâssân ij lah lamaš kuormiđ kiännán tain pargoin. Eenâb-uv nuuvt, ete servi fáálá máhđulâšvuođâ toos, ete ton peht lii älkkeb orniđ maidnii tääbbin tuárispeln.” 

Veikkâ seervi ulmen lii-uv orniđ eromâšávt sämikielâg tábáhtuumijd, te toimâ ij lah čovgâdávt čonnum tiätu kielân ige sajan, pic seervi tooimâin sárnojeh kulmâ sämikielâ, suomâkielâ teikâ eŋgâlâskielâ ain tile já uárnejeijei mield. Sieppi tuáivut puohâid lieggâsávt tiervâpuáttim fáárun seervi rijjâtátulâštooimân, tastko tábáhtuumijd puáhtá orniđ meiddei taggaar olmooš, kote ij vala hirmâd pyereest sáárnugin sämikielâ.

”Ohtâ uáli jo tergâdis äšši mijjân lii eromâšávt perrui sehe helbâmaštuu vuálásij párnái já nuorâi pyereestvaijeem”, tiädut Sieppi. ”Eidu tääl mist iä lah lamaš naavcah orniđ ennustkin maiden, mutâ tárbu lii ain styeres. Jis kiäst peri šadda taggaar juurdâ, mon puávtáččij olášuttiđ Áávus rs peht, te ij muide ko väldiđ ohtâvuođâ mijjân, vâi toimâ puáhtá jotkuđ!”

Seervi jesâneh halijdeh juksâđ Aanaar kieldâst ässee ulmuid vijđáht tooimân fáárun.  

Ávus mieláin já ávus kieláin! 

Ohtâvuotâtiäđuh: 
Áávus ry
puh: 046 888 9762
aavusry@gmail.com

Kove: Suvi King

Kommenteh

Čääli komment

Kirjoita kommenttisi!
Kirjoita nimesi tähän

Luuvâ meid

Uđđâsumos uđđâseh

Hundârušmeh purrâmušveerhij pyehtimist Suomân

Uuđâs, et Lidl ij innig pyevti heđâlmijd já ruonnâsijd kirdemrahtin lii sehe pyeri já hyenes äšši. Lii pyeri, ete purrâmušveerhij CO2-luástuh kiäppáneh, mutâ hyenes...

Uđđâ kirječällee anarâškielân

Saijoos šiljoost skirviittâleh ulmuuh kirkis piäiváduvvâst. Lii koskokko, cuáŋuimáánu 3. peivi, já Aanaar keessilis kirjerááju siste kullojeh ilolâš povvâstem, uccâumogáá iloliih jienah já olmoošjuávhu...

Áimutiettuu lágádâs: Suomâ puttásumos áimu kávnoo-uv Pallasist

Sveiccilâš IQAir-irâttâs raapoort tieđettij moonnâm ohhoost, et maailm puttásumos áimu kavnuuččij Suáđigilist, Ucjuuvâst já Kuáccámist. Tast muštâlii eres lasseen Helsingin Sanomat sehe meid Anarâš...

Kanada áigu faallâđ nuuvtá estim nisonáid

Kanada haldâttâs áigu faallâđ nuuvtá äpittesvuođâ estim eennâm puoh suhâjuátkimahasáid nisonáid. Ääšist muštâlij Kanada išeuáiviminister Chrystia Freeland. Estimpillerij hadde lii Kanadast suullân 205 eurod ivveest....

Aleksi Virolainen lii vuosmuš syemmilâš, kote lii vuáittám maailm tehálumos Counter-Strike 2 -turnam

Syemmilâš Aleksi "Aleksib" Virolaisii juávkku Natus Vincere vuoitij Counter-Strike 2 -speelâ Major-turnaamist Kööbenhamânist maŋŋeed pasepeeivi ehidist njuhčâmáánu 31. peeivi. Major lii speelâ tehálumos já...