Sambialii irâttâsâst, mii uážui ovdedemiše Suomâst, kavnui pärnipargovyeimi. Irâttâs omâsteijee Lwenga Mulela mieldi koččâmâš ij lah pärnipargovyeimist tondiet ko párnáid ij lah maksum pälkki. Yle muštâlij ääšist vuossâmustáá. Äšši kulostui, ko Yle pargojuávkku eelij irâttâsâst uáivikaavpug Lusaka alda. Plastpave Zambia -irâttâs finnij 30 000 eurod ovdedemiše Suomâst. Ruttâ ij adelum njuolgist irâttâsân, mutâ toos uástojii eres lasseen kyermiauto já digitaalviekkimpiergâs. Plastpave Zambia vaalmâšt pasâttâsâst ovdâmerkkân vistekáálvuid.
Irâttâs šiljoost lijjii párnááh, kiäh skovorâššii ruuskijd syejireiskapijttáá. Šiljoost já ton pirrâsist šliämoi, ko tobbeen puáldojii lastikeh. Mulela mieldi párnááh lijkkojeh skovorâšmân, já sij uážžuh olssis keeksijd, maid sij kävnih.
Irâttâsâst kollim maŋa Suomâ olgoministeriö lii seelvâtškuáttám, mondiet párnááh skovorâšeh pasâttâsâid ministeriö tuárjum irâttâs šiljoost.
– Olgoministeriö váldá ääši tuođâst, já tot selvâttuvvoo vuáđulávt, kommentist Lusaka stuorrâvuolgâttâs pargee Jan Koivu, kote västid ovdedemiššeest.
Samuli Anttila
Käldee:
– Suomesta kehitystukea saaneessa yrityksessä sambialaiset lapset tonkivat jätteitä – saavat palkaksi löytämänsä keksit (yle.fi)
Kove: David Peterson (Pixabay)