Tutkâmuš: Lodde­čaasij tipšo­mist lii ävkki, mut tipšo­tooimah tarbâ­šuuččii eenâb

Čäciloddenäälih láá kiäppánâm merhâšitteht Suomâst majemui luuvij iivij ääigi. Helsig ollâopâttuv já Suomâ pirâskuávdáá totkeeh selvâttii, maht loddečaasij tipšom já suojâlem láá vaiguttâm čäcilodde­naalijd 1980‑lovvoost 2020‑lovo räi.

Totkeeh tárkkojii čäciloddenaalij ovdánem ohtsis 994 loddečäci­kuávlust Suomâst. Tutkum kuávlui juávhust lijjii sehe suojâlum já suoijâlhánnáá kuávluh.

Kuávlui tipšotooimah lijjii ovdâmerkkân nijttem, kuáttum, čäcišadolâš­vuođâ meddâlistem sehe vieresšlajâ­piäđui já siergikuolij pivdem.

Tutkâmušâst selvânij, ete suoijâlmist já eellimpirrâsij tipšomist lii lamaš ävkki čäciluddijd, mut tooimah iä vala lamaš tuárvi čäcilodde­naalij kiäppánem orostitmân.

Tipšotooimâin lii lamaš enâmustáá ävkki njuvččáid, čuánnjáid já haigaráid. Viettui, čođgij já kiepâkaanij tile lii nubelágán. Toi näälih láá kiäppánâm meiddei tagarijn kuávluin, main tipšotooimah láá tohhum. Kuittâg ovdâmerkkân kriittisávt uhkevuálásii ruopsisviettuu nääli lii kiäppánâm tipšum kuávluin hitásubbooht ko tagarijn kuávluin, main tooimah iä tohhum ollágin.

Käldee:
− Tiede nyt: Lintuvesien kunnostus auttaa, jos sitä tehdään riittävästi (suomenluonto.fi)

Kove: Atte Oksanen

Kommenteh

Čääli komment

Čääli komment.
Čääli noomâd teehin.

Luuvâ meid

Uđđâsumos uđđâseh

Sämikielâi tutkâmuš oovdân­puohtui aalmugij­koskâsii sympo­siumist Bodøst

Čiččâd Saami Linguistics Symposium, SAALS7, čokkij sämikielâi totkeid já motomijd eres-uv ucceeblovokielâi äššitobdeid Tave-enâmij ulguubeln-uv Taažâ Bodøn skammâmáánu 4.–5. peeivi. Nord-universitet-ollâopâttuv čokkim ohjelm faalâi...

Puohâi tiervâs­vuotâ lii siämmáá-árvusâš – vâi lii‑uv?

Suomâ almolii tiervâsvuotâ­vuáháduv kriisâ já toos čyeccee juátkojeijee šeštimtooimah láá savâstittám ennuv majemui aaigij. Lii čielgâs, ete almoliih tiervâsvuotâ­palvâlusah iä lah tuárvi, já távjá...

Kappeer­pingviineh Zavo­dovski suol­lust láá kiäp­pán­min

Stuorrâ-Britannia aalmuglii Antarktis-tutkâmlágádâs BAS (eŋg. British Antarctic Survey) totkeeh láá tutkâm máddáápiäláá Atlant váldumeerâst leijee Zavodovski suolluu iivij 2011 já 2025. Brittiliih totkeeh muštâleh,...

Suomâ, Taažâ já Kanada räije­jeh ryeš­šilij valas­tellei viisu­mijd

Suomâ haldâttâs meridij tuorâstuv staatârääđi almosčuákkimist, ete tot čavgee viisumij mieđettem ryeššiláid valastelleid. Suomâ olgominister Elina Valtosii (kok.) mield Ruoššâ kiävttá valastâllâm propaganda koskâuámmin. –...

Anarâškielâ servi almostit kyehti párnái­kirje skammâ­máánust

Anarâškielâ servi lii juátkám párnái- já nuorâikirjij almostittem. Tot almostit kyehti kirje 40‑ive juhlij ohtâvuođâst. Mainâsij ihe – Ijâttes ijjâ Vuosmuš tääl almostuvvee kirje lii párnái...