Presidentvaaljâi eidusâš vaaljâpeivi lii pasepeeivi 28.1.2024. Jienâstemvuoigâdvuođâlâš olmooš puáhtá taan peeivi jienâstiđ tuše ton jienâstemsaajeest, mon vaaljâluvâttâlmân sunjin lii merkkejum jienâstemvuoigâdvuotâ. Vaaljâpeeivi jienâstemsajeh láá áávus tijme 9–20.
Aanaar kieldâst jienâstemsajeh láá čuávuvááh:
Avveel jienâstemkuávlu
Aanaar kieldâtáálu
Tiärmáá jienâstemkuávlu
Tiärmáá Keidas
Njellim jienâstemkuávlu
Njellim kerhotáálu
Aanaar jienâstemkuávlu
Sämikirjerááju, Sajos
Kaamâs jienâstemkuávlu
Kaamâs kievar, ráiđutáálu as.
Čevetjäävri jienâstemkuávlu
Čevetjäävri škovlâ
Máhđulâš nubbe vaaljâpeivi lii 11.2.2024 tijme 9–20. Nubbe munejienâstem olášittoo táárbu mield päikkienâmist 31.1.–6.2.2024 já olgoenâmijn 31.1.–3.2.2024.
Munejienâstemäigi lii tääl nuuhâm. Päikkienâmist puovtij jienâstiđ muuneeld 17.–23.1.2024 já olgoenâmijn 17.–20.1.2024. Munejienâstmist adeluvvojii vuosmui tiäđui mield jienâstmist 1 882 670 jiennâd. Taat meerhâš tom, et 44 prosentid jienâstemvuoigâdvuođâlijn láá jienâstâm muuneeld, muštâl vuoigâdvuotâministeriö. Lovoh šaddeh tärhibin, ko toid lasettuvvojeh vala olgoenâmijn adelum munejienah. Taat jienâstemprooseent lii puoh ollâgumos, mii lii kuássin lamaš Suomâ presidentvaaljâin.
Käldeeh:
– 44 prosenttia äänioikeutetuista äänesti ennakkoon presidentinvaalissa (oikeusministerio.fi)
– Presidentvaaljâ 2024 Aanaar kieldâst (www.inari.fi)
Kove: Fabrizio Brecciaroli