Anarâškielâ sosiaal- já tiervâsvuotâsyergi uáppeeh algâttii uápuidis Säämi máttááttâskuávdáást porgemáánu 17. peeivi 2023. Ohtsis sij láá käävcis. Taan tove Anarân sist pottii neeljis: Irina, Tiia, Heikki já Outi. Sii máttáátteijen toimâv Jukka Mettovaara Oulu ollâopâttuvâst já Henna Tervaniemi Säämi máttááttâskuávdáást.
Sosiaal- já tiervâsvuotâsyergi uáppei škovlim lii máttááttâs- já kulttuurministeriö spesialhaahâ, mii lii huksejum tađe várás, et šodâččii eenâb taan syergi äššitobdeeh, kiäh sárnuh sämikielâ. Taat škovliittâs lii Oulu ollâopâttuv já Säämi máttááttâskuávdáá ohtsâšpargoost olášittum haahâ.
Vuossâmuu peeivi uáppeeh hárjuttâllii muštâliđ, kiäh sij láá. Sij tiervâtteh Anarâš aavis lohheid návt:
Mun lam Irina (kooveest uálgispeln oovdâst). Mun aasâm Avelist. Mun lam aldatipšoo Männikkö palvâlempääihist. Muu eeči lâi anarâš. Mun lam ilolâš, ko must lii máhđulâšvuotâ luuhâđ muu suuvâ kielâ já mun puávtám kevttiđ tom puátteevuođâst pargoost.
Mun lam Tiia (kooveest kaskoo oovdâst) já mun aasâm Oulust. Mun lam vuosâiše já tiervâsvuotâtiäđu škuávlejeijee.
Mun lam Heikki (kooveest čižetpeln oovdâst) já mun aasâm Ruávinjaargâst. Mun lam pyecceitipšoo já tiervâsvuođâtipšo máttáátteijee. Muu kálgu lii anarâš. Mun halijdâm oppâđ anarâškielâ já porgâđ sämikielân pyecceitipšon.
Mun lam Outi (kovvejeijee) já mun aasâm Ruávinjaargâst.
Já muái láán Henna já Jukka (kooveest tyehin), taan ive Insaku máttáátteijeeh.
Kove: Outi Salmela