Ranska Aalpâin lii jieht tábáhtum muotâvierrâm, mast láá jáámmám kuuđâs. Ohtâ olmooš lâi iđedist vala lappâsist, mut tääl sun-uv lii kavnum jämmen. Aainâs-uv vitnubáloves lijjii pääihi alne talle ko muotâvierrâm tábáhtui.
Muotâvierrâm tábáhtui Armancette-jieŋâduvâst, mii lii Italia rääji alda Mont Blanc aldasijn. Jämmei juávhust lává kyehti hárjánâm uápisteijee. Piälušteijeeh láá lamaš pääihi alne ucâmin lappum ulmuu.
Ranska president Macron almoot Twitterist, et sun iälá fáárust perruigijn já váldá uási sii murrâšân.
Ranska Aalpah láá tai pessijâšpeivij pivnohis luámuviettimsaje tälvivalastâlleid.
Meid moonnâm ohhoost tábáhtui Tave-Italiast muotâvierrâm, mon ohtâvuođâst jammii neeljis.
Käldee:
– French Alps avalanche search and rescue mission ends after six killed (news.sky.com)
Kove: Jacky Barrit (Pixabay)