Didier Deschamps ij juáđhi Ranska jyelgipállu­juávhu välmejeijen maailm­miäštár­kištoi 2026 maŋa

Ranska almai jyelgipállujuávhu välmejeijee Didier Deschamps ij ááigu juátkiđ virgestis maailmmiäštárkištoi 2026 maŋa. Taan ääšist Deschamps muštâlij ranskalii tv-kanava TF1 sahhiittâlmist.

56-ihásâš Deschamps lii valmim Ranska jyelgipállujuávhu ive 2012 rääjist. Suu ääigi välmejeijen Ranska vuoitij maailmmiäštárkištoid ive 2018 já poođij nubben ive 2022.

Spellen Deschamps vuoitij maailmmiäštárkištoid ive 1998 já Euroop miäštárkištoid ive 2000. Deschamps lasseen tuše brasilialâš Mário Zagallo já saksalâš Franz Beckenbauer lává vuáittám almai jyelgipáálu maailmmiäštárkištoid sehe spellen já välmejeijen.

”Muu pargo nohá talle (ive 2026), tastko tot ferttee nuuhâđ mottoom kooskâst. Muu mielâst tot lii čielgâ äšši. Mun lam porgâm jieččân pargo siämmáin haaluin já movttáin, vâi Ranska juávkku piso alemuu tääsist, mut 2026 lii mudágâš äigi sirdâšuđ ovdâskulij”, Deschamps eeđâi TF1:ân.

Käldee:

– Didier Deschamps jättää paikkansa MM-kisojen jälkeen (www.hs.fi)

Kove: Biser Todorov (User:Biso) from Sofia, Bulgaria (Wikimedia Commons)

Kommenteh

Čääli komment

Čääli komment.
Čääli noomâd teehin.

Luuvâ meid

Uđđâsumos uđđâseh

Kappeer­pingviineh Zavo­dovski suol­lust láá kiäp­pán­min

Stuorrâ-Britannia aalmuglii Antarktis-tutkâmlágádâs BAS (eŋg. British Antarctic Survey) totkeeh láá tutkâm máddáápiäláá Atlant váldumeerâst leijee Zavodovski suolluu iivij 2011 já 2025. Brittiliih totkeeh muštâleh,...

Suomâ, Taažâ já Kanada räije­jeh ryeš­šilij valas­tellei viisu­mijd

Suomâ haldâttâs meridij tuorâstuv staatârääđi almosčuákkimist, ete tot čavgee viisumij mieđettem ryeššiláid valastelleid. Suomâ olgominister Elina Valtosii (kok.) mield Ruoššâ kiävttá valastâllâm propaganda koskâuámmin. –...

Anarâškielâ servi almostit kyehti párnái­kirje skammâ­máánust

Anarâškielâ servi lii juátkám párnái- já nuorâikirjij almostittem. Tot almostit kyehti kirje 40‑ive juhlij ohtâvuođâst. Mainâsij ihe – Ijâttes ijjâ Vuosmuš tääl almostuvvee kirje lii párnái...

Kollekielâ-palhâ­šume mieđet­tui emeritus­professor Nils Øivind Helan­derân

Taankiärdásâš Kollekielâ-palhâšume lii mieđettum emeritusprofessor Nils Øivind Helanderân. Palhâšume mieđettui sunjin kuhes já maaŋgâpiäláág eellimpargoost sämikielâi oovdedmist. Palhâšume keigejui sunjin Helsigist skammâmáánu 11. peeivi....

Suomâ šoŋŋâ­dâh lii lieg­gân­min torvo­lii rääji paijeel

Taan ive keesi lâi vaigâd Euroopân. Koskâ- já Maadâ-Euroopist lijjii korrâ pakkâpajeh, juuvah kuškii já sehe elleeh já ulmuuh killájii. Pakkâseh maksii Euroopân joba...