Laapi eennâmkodálâš ornijdâhráđádâllâmkodde koččo puoh ornijduvâid, kieldâi já pyereestvaijeemkuávlu ovdâsteijeid sehe aktiivlijd aalmugjesânijd uásálistiđ Laapi Ornijdâhfoorumân, mii tuálloo vyesimáánu 22.–23. peeivi Aanaar kieldâ váldustivrâsalist Avelist (Piiskuntie 2).
Vástuppeeivi 22.5. fáddán lii ohtsâšpargo já siärvuslâšvuotâ. Fáárust láá eereeb iärrás Kieldâlito pyereestvaijeemaašij hovdâ Maria Salenius, Sämitige virgesajasâš sosiaal- já tiervâsvuotâčällee Anni Koivisto já Staatâvarijministeriö Katju Holkeri. Peivi nohá paaneelsavâstâlmân já Aanaar 150 ‑juhlemálásân. Vástuppeeivi ohjelmân lii máhđulâš uásálistiđ meid káidusin.
Lávurduv 23.5. fáddán lii innovatiivlâš ornijdâhpargo. Peeivi ääigi savâstâlloo jesânij skappuumist, uáđđee seervi iäláskitmist, sosiaallijn innovaatioin já digitaallij palvâlusâiguin ávhástâlmist.
Foorumân almottâttâm lii áávus. Almottâttâm nohá tuorâstuv vyesimáánu 7. peeivi.
Iävtut Tehemä pois ‑palhâšume finnejeijee
Ornijdâhfoorum ohtâvuođâst Laapi virgesajasâš eennâmkoddehovdâ Hannu Takkula luovât ärbivuáválii Tehemä pois ‑palhâšume. Tot mieđettuvvoo taggaar ornijdâhân teikâ rijjâtátulii tahon, mii lii uccâ tavoiguin juksâm stuorrâ vaiguttâsâid lappilij siärvuslâšvuođâ já pyereestvaijeem pyerrin.
Iävtut palhâšume finnejeijee luámáttuv peht cuáŋuimáánu 19. peeivi räi.
Käldee:
– Lapin maakunnallinen Järjestöfoorumi 2026 (www.lapinsotu.fi)
Kove: Kimberli Mäkäräinen (Wikimedia Commons)