Taan keesi Suomâst láá mittedum jo 60 pakkâpeivid. Mittedemhistorjá pakkâsumos ihe lâi 2002, kuás pakkâpeeivih lijjii 65.
Suomâ pakkâpeeivij ulâttâs ij lah vala cyevkkejum, mut Áimutiettuu lágádâs mield návt sáttá keevvâđ taan máánu loopâ räi.
Majemuuh peeivih láá lamaš uáli jo lieggâseh, mut iä kuittâg aaibâs pakkâseh. Vuossaargâ arva Suomâ koskâ- já taveoosijn, mut tastmaŋa puátá oppeet lieggâ áimumassa, já eromâšávt Maadâ-Suomâst piäiváš páštá. Nubij sanijguin lase pakkâpeeivih láá máhđuliih.
Ive 2002 lasseen Suomâst láá lamaš paijeel 60 pakkâpeivid meiddei ive 2006 (61 pakkâpeivid) já ive 2018 (64 pakkâpeivid).
Iivij 1991–2020 Aanaar kuávlust pakkâpeeivih láá lamaš koskâmiärálávt 4–6. Ucjuuvâ kuávlust toh láá lamaš 2–4, já Kilbisjäävrist 0–2.
Áimutiettuu lágádâs mield Suomâ puoh pakkâsumos kaavpugeh láá Kouvola, Lahti, Heinola já Mikkeli.
Käldeeh:
– Hellepäivien ennätys saattaa mennä rikki elokuun aikana (yle.fi)
– Helletilastot (www.ilmatieteenlaitos.fi)
Kove: Vesa Minkkinen (Pixabay)