Sämivárdám lii tääl vijmâg finnim vuosmuid olmâ teddilum materiaalijd. Sudenpennun jäljet -kirje lii tääl jurgâlum anarâš- já tavekielân. Jurgâleijen lává lamaš Neeta Jääskö já Seija Somby. Jurgâlemproosees lii pištám uáli jo kuhháá, tastko algâteekstân kiergânii puáttiđ nubástusah, já ton tááhust meid jurgâlusâid koolgâi tivvoođ. Uđâsmittum kirje almostui suomâkielân čohčâmáánust 2022, mut jurgâlemproosees sämikieláid aalgij jo ive 2019.
Čiivgâ luodah- já Gumppečivgga luottat -kirjeh kiergânii tääl pyereest puáttiđ teddilmist eidu säämi aalmugpiäiván, já vuosmuuh čiivgah ađai sudenpennut láá jo finnim kiirjijd.
Olmâ teddilum materiaal lii tehálâš párnáid. Kirje lii älkkee kevttiđ já tevdiđ meid pääihist jeđe tot tuáimá pyereest muštokirjen ubâ čivgâääigi. Ko kirjeest láá ennuv puđâldâsah já tiäđuh, te kirje lii meid pyeri eres párnáid ko tuše várdájeijeid.
Kiirjijd lii teddilâm já kuástidâm Suomâ Várdájeijeeh ry, mut jurgâlusah láá uásild kuástidum ruđâigijn, maid Sämivárdám finnij ohtsâšvástádâsnuurrâm peht ive 2017. Kiirjijd puáhtá uástiđ Ruávinjaargâst Laapi Várdájeijei toimâttuvâst. Sämivárdám pargojuávkku juátká várdámmateriaalij jurgâlem.
Kove: Henna Tervaniemi