Lumme Energia lii vuolgâttâm jieijâs äššigâššáid viestâ tast, et Taažâ markkânuásipeeli lii šleđgâpöörsist faallâm Suomâ markkânáid vástuppiäiván 24.11.2023 masaba 5 800 megawaati pehtilvuođâ verd meendu ennuv šleeđgâ, mii lii stuorrâ meeri. Taat västid suullân 3,5-kiärdásávt Olkiluoto kulmii pehtilvuođâ. Falâldâh vuáđuduvá ornijdumefeeilân, mon máhđulâš tivodem selvâttâlloo.
Feilâ toovât vástuppeiviehidân hirmâd vyeligis pörssišleeđgâ negatiivlijd tijmehoodijd. Markkân toimâm já täsitiädu keežild Lumme Energia tuáivu puoh äššigâšâinis vástuppeiviehidân táválii šleđgâkevttim.
Meiddei vuáđuviermifinnodâh Fingrid táttu tiäđáttâsâstis, et kulâtteijeeh iä reagistáččii šleeđgâ vyeligis haadan lasseetmáin kulâttem, pic sij kiävtáččii šleeđgâ táválávt. Toin naalijn kulâtteijeeh jieijâs uásild išedeh šleeđgâ pyevtittem já kulâttem täsitiädutmist.
Lumme Energia tieđeet tiileest viermisijđoinis.
Käldee:
– Sähkömarkkinoilla erikoinen tilanne perjantaina – hinta ei ohjaa tuotantoa ja kulutusta oikein (www.fingrid.fi)
Kove: Arek Socha (Pixabay)