Säämi kielâkähviviäsu lii vuod algâttâm tooimâs taan čoovčâ. Káhvástâlleeh čokkânii keesi maŋa teivâmkuávdáš Ainolast porgemáánu 31. peeivi. Kielâkähviviäsu lii teivâmsaje, mon ulmen lii ovdediđ sämikielâ sárnoi teivâm já sämikielâi oppâm oovtâst. Kielâkähviviste kuosijn ij váilum mihheen: Ainola eemeed Sisko Kiviniemi lâi liäibum piirak já vuoššâm njaalgâ käähvi já teejâ. Taan tove kyesih iä lamaš vala hirmâd ennuv, mut motomeh kuittâg.
Aanaar kieldâ peeleest uárnejeijen lii toimâm Anne-Marie Kalla. Sun lii meid markkânistám kielâkähviviäsu. Sun muštâl, et tot lii áávus ohtii mánuppaajeest, já Aanaar kieldâ uárnee taan tooimâ. Sun muštâl, et toimâ lii uáivildum sämikielâláid ulmuid. Taat lii uássin sämikielâ kielâkevttimstrategia, mii rahtui Aanaar kieldâst. Anne-Marie muštâl, et tooimâ ennin lii Anna Lumikivi, kote smietâi kielâkähvivistetooimâ. Juurdân lii, et jieškote-uv kyessi uážžu kevttiđ jieijâs sämikielâ.
Kielâkähviviäsun pyehtih uásálistiđ puoh kielâsárnooh kielâmáátu tääsist peerusthánnáá, meid algâttelleeh. Tooimân ij taarbâš almottâttâđ muuneeld, já servâđ puáhtá kuás peri ive ääigi.
Sisko Kiviniemi muštâl, et Ainolast uárnejuvvojeh eres-uv tooimah. Ohtân toimân lii ovdâmerkkân kuávdáškievkkânist pááccám purrâmuš jyehim nuuvtá. Ulmuid taat oro-uv lemin teivâdemvyehi, siämmáánáál ko káhvástâlmeh-uv.
Kielâkähviviste tuáimá Ainolast (Petsamontie 9, Avveel) tuorâstuv čuávuvái peivij tijme 13:30–15:30: 28.9. / 26.10. / 30.11. ”Ulmuuh taheh taam tábáhtus”, Anne-Marie illood.
Lasetiäđuid kielâkähviviäsutooimâst finnee Anne-Mariest: anne-marie.kalla@inari.fi.
Käldee:
– Osallisuuskeskus Ainola (www.inari.fi)
Koveh: Marja-Liisa Olthuis