Smavvâ tennispáálu mattsiih čuormâseh láá tovâttâm koskoho ennuv vaahâg Veneto kuávlust Tave-Italiast. Páihálii media mield 110 olmožid láá hávádum, já ton lasseen káátuh, autoh, meecih já viinikäärdih láá pillâšum korrâ čuormâsuávti keežild. Páihálii mediast uáinoo, mon viärrááh vahâgeh láá lamaš.
Anarâš aavis njunoštoimâtteijee Fabrizio Brecciaroli lii pääihi alne Venetost tarkkuustâlmin tile. Sun čielgee, et uáhti lii lamaš uáli páihálâš. Tot lii tovâttâm vahâgijd iänááš-uv Treviso alda, ij kuittâg váráduvâin.
Vuáládâheennâmlâš šoŋŋâtiettee Gerrit Hiemstra čielgee Nos-uđđâsáid, et näävt stuorrâ čuormâseh láá hirmâd härvinâsah Euroopist. Toh šaddeh näävt styeresin tondiet ko toh kirdâččeh ááimust pajas-vuálos. Tastoo toh tarvanâdeh nubijdis já kaččeh ton maŋa stuorrâ pállun enâmân. Toh láá hirmâd varâliih. Meiddei sun čielgee, et tágáreh uávtih láá páiháliih iäge vijđásub kuávlu almoon. Tágárijd oovtijd ij uáini muuneeld puátimingin, et čuormâseh šaddeh näävt styeresin, Hiemstra čielgee.
Italia lasseen meid eres Euroop enâmijn lii lamaš korrâ šoŋŋâ. Sloveniast já Kroatiast korrâ šuármu lii njiäidám muorâid, já neeljis láá jáámmám, ko sij láá pááccám viirrâm muorâ vuálá.
Käldeeh:
– Grandine devasta l’Alta Marca: danni ingenti ad auto, case e pannelli solari (www.trevisotoday.it)
– Zeldzaam felle hagelbui laat spoor van verwoesting achter in Italië (nos.nl)
Kove: Fabrizio Brecciaroli