Oulu ollâopâttuvâst Giellagas-instituutist láá čoohčân tiäđust nubástusah anarâškielâ pargeetiileest. Petter Morottajast šadda anarâškielâ vaastâolmooš čohčâmáánu aalgâst. Mervi Sistonen juátká uáppei tuutormáttáátteijen. Jukka Mettovaara máttát sosiaal- já tiervâsvuotâškovliittâs uáppeid Oulu máttáátteijen, já Säämi máttááttâskuávdáást taan hahhui lii pargoost Henna Tervaniemi. Máhđulávt uási máttááttâsâst lii puátimin tijmemáttááttâssân.
Marja-Liisa Olthuis aalgât pargoos Säämi Kielâkäldest čohčâmáánu aalgâst. Sun sirdâšuvá Kielâkäldee fastâ viirgán čohčâmáánu 4. peeivi.
Oulu ollâopâttâhân kiergân ain uuccâđ sierâvuoigâdvuođâ anarâškielân, jis kiinii haalijd máttááttâllâđ kielâ. Oulu ollâopâttuvâst anarâškielâ lohheeh láá tääl suullân 40.
Kove: Mikko Törmänen