Sierâirâttâs Mattel lii almostittám uđđâ Barbie-nuke, mast lii Down-syndrom

Down-syndrom barbie vuávájui ohtsâšpargoost NDSS (National Down Syndrome Society) -ornijduumáin. Nuke pihtâsijn láá piäivááloddááh sehe fiskis já čuovjis ivneh. Taah ivneh láá symbolliih já toh muštâleh Down-tiäđulâšvuođâst. Nukke lii meiddei uánihub ko eres Barbie-nukeh. Mudoi-uv ton jiešnäälih já jiešvuođah láá vuávájum nuuvt, ete nukke sulâstit ulmuu, kiäst lii Down-syndrom. Nukkeest lii meiddei čiäpáttist čiŋŋâ, mast láá kulmâ áŋálduv. Čiŋŋâ muštâl paijeelmiärálii kromosomist 21, mii lii syndrom tovâtteijee.

Mattel väritoimâttâshovdâ Lisa McKnight muštâl tiäđáttâsâst návt:
”Mii ulmen lii, ete puoh párnááh uáinih jieijâs Barbie-nukkeest. Mij meiddei halijdep, ete párnááh uáppih sierâdiđ nukijguin, moh iä lah siämmáánálásiih ko sij jieijah láá. Sierâdem puáhtá máttááttiđ empatia já ibárdâs eres ulmui kuáttá.”

NDSS-ornijdume president já toimâttâshovdâ Kandi Prickard iätá:
”Lâi kunnee vuáváđ Barbie-nuke ohtsâšpargoost Matteláin. Taat lii vuosmuš tohe, ko ulmuuh mii siärváduvâst pyehtih sierâdiđ nukkijn, mii niävttá siämmáálágánin ko sij-uv. Taat lii tehálâš äšši mijjân.”

Mattel lii ovdil árvuštâllum tast, ete Barbie-nukeh láá oovtpiäláliih já ete toh adeleh puástulágán kove nieidâi já nisonij roopâin. Eromâšávt 2000-lovvoost irâttâs lii puáhtám kavppijd uđđâ nuukijd, main láá jieškote-uvlágáneh liškeivneh, oskolduvah já maaŋgâhámásiih roopah. Ovdâmerkkân ive 2017 almostui Barbie-nukke, mast lii hijab-lijne uáivist, já ive 2019 vist nukke, mii čokkáá pyerástoovlist.

Sosiaallii mediast ulmuuh láá kijttâlâm nukkeest uáli jo ennuv, mutâ meiddei kriittisiih uáivileh láá lamaš. Ohtâ suijâ kritikân lii tot, ete Barbie-nuke liškeivne lii vielgâd já tondiet nukke ij sulâstit siärváduv ulmuid tuárvi vijđásávt. Kriitiik lii meiddei adelum tast, ete ton jiešvuođah iä lah tuárvi ereslágáneh ko eres nuukijn. Ohtâ kriitiik lahtoo nuukij kávpálâšvuotân. Uđđâ Barbie-nukeh puátih vyebdimnáál Ovtâstum staatâin jyehi keesi já čoovčâ. Tondiet lii tárbu vuáváđ uđđâ nuukijd, vâi vuábdu lasaničij, já mučis säänih láá markkânistemvyehi. Kritikist huolâhánnáá maaŋgâs láá liijká tuđâvááh toos, ete sij teikkâ sii aldasiih puáhtojeh uáinusân Barbie-nuke peht.

Käldee:

Barbie Introduces Its First Doll with Down Syndrome, Further Increasing Representation in the Toy Aisle (corporate.mattel.com)

Kove: Mattel

Kommenteh

Čääli komment

Kirjoita kommenttisi!
Kirjoita nimesi tähän

Luuvâ meid

Uđđâsumos uđđâseh

Tanska parlament meridij Kooraan puáldim kieldimist

Tanska parlament lii tuhhiittâm laavâ, mii kiäldá oskoldâhlij tevstâi puáldim kirjen. Keevâtlávt taat meerhâš Kooraan puáldim kieldim. Koranij puáldim lii tijmá tovâttâm ennuv liävuttemesvuođâid...

Uđđâ nooveelantologia lii almostum anarâškielân

Anarâškielân lii almostum uđđâ nooveelantologia, mon novellijd anarâškielâ sárnooh láá čáállám maaŋgâi iivij ääigi. Ton paječaalân lii väljejum Annika Pasasii čäällim nooveel paječaalâ ađai...

Suomâ juhlo jiečânâsvuođâpeeivi Presidentlanneest 6.12.2023

Täsivääldi president Sauli Niinistö tuáimá jiečânâsvuođâpeeivi juhlevuástáväldim išedin já váldá kálguinis Jenni Haukioin vuástá kuosijd Presidentlanneest koskoho, juovlâmáánu 6. peeivi 2023. Vuástáväldim teeman lii...

Väldikodáliih párnái jiečânâsvuođâpeivijuhleh Säätytalost Helsigist: Aanaar já Ucjuuvâ ovdâsteijei tobdoh määđhist

Pasepeeivi, juovlâmáánu 4. peeivi, párnááh viettii väldikodálijd párnái jiečânâsvuođâpeivijuuhlijd Helsigist Säätytalost. Staatârääđi laanan lijjii puávdejum Suomâ jyehi kieldâst kyehti loveihásii párnáá, kiäi šoddâmihe lii...

Kesimuštoh: maid porgâđ, ko šoŋŋâ lii tego Irlandist?

Návt čoovčâ já skaamâ ääigi lii hitruu muštâččiđ, mii puoh tábáhtui moonnâm keesi. Taan rááiđust mun muštâlâm, maggaar muu keesi lâi já magareh ääših...