Sanna Marinân lii mieđettum Helmut Schmidt -puátteevuotâpalhâšume

Uáiviminister já SDP-piäláduv saavâjođetteijee Sanna Marinân lii mieđettum saksalâš Helmut Schmidt -puátteevuotâpalhâšume. Palhâšume jyehih Littokansler Helmut Schmidt -siäđus, Die Zeit -aavis já The New Institute -nommâsâš instituut. Palhâšume keigejuvvoo Marinân tuorâstuv 4.5. Hamburist.

”Helmut Schmidt -puátteevuotâpalhâšume mieđettuvvoo oovdâstjottee eurooplâžân, kiäst láá čielgâ áárvuh já jieijâs pooliitlâš stijlâ. Sanna Marin tuálvui Suomâ koronapandemia čoođâ uáli jo pehtilávt. Sanna Marin ulmen lii pyerediđ maailm ige leđe tuše politikkár,” Uwe Jean Heuser palhâšume tuámmárjuávhust agâstâl. Ton lasseen Marin lii ovdedâm šoŋŋâdâhaašijd já váldám pele Ruošâ toimâm vuástá. Rääđi mield sust lii stuorrâ potentiaal puátteevuođâst: Marin uáiná čielgâsávt tuotâvuođâid mutteđ ”jieijâs eennâm, Euroop, maailm tast ovdâskulij-uv ucánjáhháá torvolubbon, vuoigâlubbon já ruánáábin.”

Helmut Schmidt -puátteevuotâpalhâšume addel tubdâstâs innovatiivlâš áigápuáđoid demokratia, ohtsâškode já teknologia suorgijn. Palhâšume lii juohhum ive 2022 rääjist. Tijmá tom finnij ugandalâš pirâsaktivist Vanessa Nakate. Palhâšume árvu lii 20 000 eurod.

Käldeeh:

Sanna Marin erhält Helmut-Schmidt-Zukunftspreis 2023 (www.helmut-schmidt.de)

Sanna Marinille on myönnetty saksalainen tulevaisuuspalkinto (yle.fi)

Kove: Thomas Ulrich (Pixabay)

Kommenteh

Čääli komment

Kirjoita kommenttisi!
Kirjoita nimesi tähän

Luuvâ meid

Uđđâsumos uđđâseh

Tanska parlament meridij Kooraan puáldim kieldimist

Tanska parlament lii tuhhiittâm laavâ, mii kiäldá oskoldâhlij tevstâi puáldim kirjen. Keevâtlávt taat meerhâš Kooraan puáldim kieldim. Koranij puáldim lii tijmá tovâttâm ennuv liävuttemesvuođâid...

Uđđâ nooveelantologia lii almostum anarâškielân

Anarâškielân lii almostum uđđâ nooveelantologia, mon novellijd anarâškielâ sárnooh láá čáállám maaŋgâi iivij ääigi. Ton paječaalân lii väljejum Annika Pasasii čäällim nooveel paječaalâ ađai...

Suomâ juhlo jiečânâsvuođâpeeivi Presidentlanneest 6.12.2023

Täsivääldi president Sauli Niinistö tuáimá jiečânâsvuođâpeeivi juhlevuástáväldim išedin já váldá kálguinis Jenni Haukioin vuástá kuosijd Presidentlanneest koskoho, juovlâmáánu 6. peeivi 2023. Vuástáväldim teeman lii...

Väldikodáliih párnái jiečânâsvuođâpeivijuhleh Säätytalost Helsigist: Aanaar já Ucjuuvâ ovdâsteijei tobdoh määđhist

Pasepeeivi, juovlâmáánu 4. peeivi, párnááh viettii väldikodálijd párnái jiečânâsvuođâpeivijuuhlijd Helsigist Säätytalost. Staatârääđi laanan lijjii puávdejum Suomâ jyehi kieldâst kyehti loveihásii párnáá, kiäi šoddâmihe lii...

Kesimuštoh: maid porgâđ, ko šoŋŋâ lii tego Irlandist?

Návt čoovčâ já skaamâ ääigi lii hitruu muštâččiđ, mii puoh tábáhtui moonnâm keesi. Taan rááiđust mun muštâlâm, maggaar muu keesi lâi já magareh ääših...