Uŋgar parlament lii ratifisistám Suomâ Nato-ucâmuš

Uŋgar parlament lii ratifisistám Suomâ Nato-ucâmuš onne, vuossaargâ njuhčâmáánu 27. peeivi, jienâigijn 182 peeleest, kuuđâs vuástá. Uŋgar jienâstem lii voonnâm, já tot lii ettâm, et tot ij ááigu ratifisistiđ Suomâ majemužžân. Tuurki parlament olgoašij váljukodde tuhhiittij Suomâ Nato-jeessânvuođâ njuhčâmáánu 24. peeivi.

Suomâ Naton peessâm lii val kiddâ Tuurki jienâstmist. Tuurki president Recep Tayyip Erdoğan lii lopedâm ratifisistiđ Suomâ jeessânvuođâ ovdil vaaljâi, moh tuállojeh vyesimáánust.

Uŋgar parlament ij vala ratifisistám Ruotâ jeessânvuođâ.

Ilta-Sanomai mield maaŋgah politikkáreh láá reagistám Twitterist ratifisistem kuullâm maŋa. Ovdâmerkkân uáiviminister Sanna Marin twiittaa ratifisistmist näävt:

”Uŋgar lii ratifisistám Suomâ Nato-jeessânvuođâ. Kijttoseh čielgâ lovoigijn tohhum miärádâsâst! Suomâ já Ruotâ jeessânvuotâ nannejeh ubâ littokode torvolâšvuođâ. Lii puohâi hiätu, et meid Ruotâ lii Nato jeessân ovdil Vilna njunoščuákkim.”

Käldee:

Unkarin parlamentti ratifioi Suomen Nato-jäsenyyden (www.is.fi)

Kove: Leonhard Niederwimmer (Pixabay)

Kommenteh

Čääli komment

Kirjoita kommenttisi!
Kirjoita nimesi tähän

Luuvâ meid

Uđđâsumos uđđâseh

Ááimu čoođâ jotá kirdee kiäinu

Kuvâttâl taggaar tobdo, ete tun puávtáh aaibâs tuođâlávt vuáijuđ tuše ton áášán, mii eidu tábáhtuvá. Ton puudân, mii lii eidu tääl täst. Jieh smietâ...

Eurooplij mađhâšem Ovtâstum staatáid lii kiäppánâm tijmáást

Eurooplij mađhâšeijei meeri Ovtâstum staatáid lii čuuvtij kiäppánâm majemui mánuppojij ääigi ton ääigi ko Donald Trump lii toimâm nube virgepaajees Ovtâstum staatâi presidentin, muštâl...

Paavi Franciscus lii jáámmám

Paavi Franciscus lii jáámmám nube pessijâšpeeivi iiđeed Vatikaanist. Sun lâi 88-ihásâš. Majemui aigij suu tiervâsvuotâ huánánij, já sun lâi kuhes ääigi pyecceiviäsust kepiskumeštâs keežild. Franciscus,...

Leningrad Cowboys lii maccâmin läävdi oolâ

Kuhes puudâ maŋa legendaarisâš rockjuávkku Leningrad Cowboys lii maccâmin läävdi oolâ puáttee čoovčâ. Talle juávkku vuálgá Tis is tö komepäk -konsertrááiđun pirrâ Suomâ. Konserteh...

Neeljis valdum kiddâ Keniast eksootlij kuđhâi syelifievridmist

Neeljis láá valdum kiddâ Keniast eksootlij kuđhâi syelifievridem keežild. Sij irâttii syelifievridiđ kuuđhâid olgos enâmist. Tivreh lijjii čiehhum smavvâ tuubijd, main taid puovtij siäiluttiđ...