Helsingin Sanomai uđđâs mield Tuurki parlament olgoašij váljukodde lii tuhhiittâm tuorâstuv ehidispeeivi Suomâ Nato-jeessânvuođâ. Ääšist lii muštâlâm uđâstoimâttâh Reuters turkkilii TRT Haber -televisiouálán čuujootmáin.
Olgoašijváljukode maŋa oovdânpyehtim tuálvoo Tuurki parlament almosčokkáánmân. Turkkilâšlostâ Hürriyet mield Suomâ Nato-jeessânvuotâ sáttá puohtuđ almosčokkáánmân jo vástuppeeivi teikâ lávvárduv.
Tuurki president Recep Tayyip Erdoğan muštâlij moonnâm vástuppeeivi president Sauli Niinistö teivâm maŋa, ete Turkki lii meridâm algâttiđ Suomâ Nato-jeessânvuođâ ratifisistemproosees parlamentist.
Suomâ Nato-jeessânvuotâ vuárdá ain Tuurki já Uŋgar tuhhiittem. Uŋgar parlament lii áigumin jienâstiđ Suomâ Nato-jeessânvuođâst vuossaargâ.
Käldee:
– Turkin parlamentin ulkoasiainvaliokunta hyväksyi Suomen Nato-jäsenyyden (www.hs.fi)
Kove: Engin Akyurt (Pixabay)