Anarâškielâ servi ocá uásiáigásii (20 %) toimâtteijee Anarâš aavisân

Anarâškielâ servi almoot uuccâmnáál oovtâ uásiáigásii toimâtteijee saje. Lah-uv tun moovtâ uuccâđ uđđâsijd? Lah-uv tun taggaar olmooš, kote čuávu tom, mii maailmist tábáhtuvá? Jis lah, te taat lii rievtis pargo tunjin.

Pargon lii uđđâsij já eres čallui čäällim Anarâš aavisân. Uđđâseh kieđâvušeh puohlágánijd teemaid. Aavis uđđâseh juáhhojeh tagaráid kategoriaid ko Aalmugijkoskâsiih uđđâseh, Ekonomia, Kielâ, Kulttuur, Páiháliih uđđâseh, Politiik, Suomâ, Tieđâ, Ulmuuh já Valastâllâm. Uđđâsij čäällim lasseen pargokován kuleh meiddei sahhiittâlmeh, uáivilčalluuh sehe blogiteevstah Aanaar argâ -blogin já Luándublogin. Stuárráámus uási čalluin (80 %) ferttejeh kuittâg leđe uđđâseh, tastko Anarâš aavis lii uđâslostâ.

Pargo álgá 1.2.2024 já nohá 31.12.2024. Pargoäigi lii 20 % ađai 7,5 tijmed ohhoost. Tun puávtáh jieš valjiđ, kuás porgâđ. Tun ferttiih kuittâg porgâđ 7,5 tijmed jyehi ohhoost. Tehálumos äšši lii, et muáddi uđđâs šaddeh jyehi ookon. Pälkki máksoo jyehi mánuppaje loopâst.

Jis toimâtteijee pargo kiäsut tuu, te vuolgât jieijâd CV já uđâsteevstâ teikâ mottoom eres teevstâ anarâškielân (250–300 säännid) seervi mediapargei čujottâsân fabrizio.brecciaroli@gmail.com majemustáá 25.1.2024.

Kove: Gerd Altmann (Pixabay)

Kommenteh

Čääli komment

Čääli komment.
Čääli noomâd teehin.

Luuvâ meid

Uđđâsumos uđđâseh

Sämikielâi tutkâmuš oovdân­puohtui aalmugij­koskâsii sympo­siumist Bodøst

Čiččâd Saami Linguistics Symposium, SAALS7, čokkij sämikielâi totkeid já motomijd eres-uv ucceeblovokielâi äššitobdeid Tave-enâmij ulguubeln-uv Taažâ Bodøn skammâmáánu 4.–5. peeivi. Nord-universitet-ollâopâttuv čokkim ohjelm faalâi...

Puohâi tiervâs­vuotâ lii siämmáá-árvusâš – vâi lii‑uv?

Suomâ almolii tiervâsvuotâ­vuáháduv kriisâ já toos čyeccee juátkojeijee šeštimtooimah láá savâstittám ennuv majemui aaigij. Lii čielgâs, ete almoliih tiervâsvuotâ­palvâlusah iä lah tuárvi, já távjá...

Kappeer­pingviineh Zavo­dovski suol­lust láá kiäp­pán­min

Stuorrâ-Britannia aalmuglii Antarktis-tutkâmlágádâs BAS (eŋg. British Antarctic Survey) totkeeh láá tutkâm máddáápiäláá Atlant váldumeerâst leijee Zavodovski suolluu iivij 2011 já 2025. Brittiliih totkeeh muštâleh,...

Suomâ, Taažâ já Kanada räije­jeh ryeš­šilij valas­tellei viisu­mijd

Suomâ haldâttâs meridij tuorâstuv staatârääđi almosčuákkimist, ete tot čavgee viisumij mieđettem ryeššiláid valastelleid. Suomâ olgominister Elina Valtosii (kok.) mield Ruoššâ kiävttá valastâllâm propaganda koskâuámmin. –...

Anarâškielâ servi almostit kyehti párnái­kirje skammâ­máánust

Anarâškielâ servi lii juátkám párnái- já nuorâikirjij almostittem. Tot almostit kyehti kirje 40‑ive juhlij ohtâvuođâst. Mainâsij ihe – Ijâttes ijjâ Vuosmuš tääl almostuvvee kirje lii párnái...